Tauraron dan kwallon Barcelona, Lamine Yamal, ya bayyana shakku kan yiwuwar lashe kyautar Ballon d’Or ta bana, inda ya ce ba lallai ne ya lashe ba duba da cewar akwai ‘yan wasa da suka cancanci lashe kyautar da dama a bana.
Yamal ya taka muhimmiyar rawa wajen taimaka wa Barcelona ta sami nasarar lashe manyan kofuna uku a kakar wasa ta 2024-25, ta lashe gasar La Liga, da Copa del Rey, da Supercopa de Espana, da yake magana da El Partizado de COPE, dan wasan na kasar Sifaniya ya bayyana cewa zai iya lashe kyautar Ballon d’Or ne kawai idan ya daga kofin Zakarun Turai da kuma gasar cin kofin duniya.
- 2027: Wasu Gwamnonin PDP Na Shan Matsin Lamba Don Sauya Sheka Zuwa APC
- Jihohi Bakwai Na Kashe Kaso 190 Na Kudin Shigarsu Wajen Biyan Basuka
“Ba na tunani game da shi, zan kasance cikin matsala idan na saka tunanin lashe kyautar Ballon d’Or a raina, zan taka leda a yanzu tare da tunanin wata rana kyautar za ta zo” Yamal ya shaida wa El Partizado de COPE.
“Idan na lashe gasar zakarun Turai da kuma gasar cin kofin duniya a shekara mai zuwa, zan iya samun kyautar amma dai yanzu kam ban sa ran zan iya samun kyautar ba Yamal ya kara da cewa.
