A duk shekara, Cibiyar harkokin Afrika a hukumar kula da hada hadar kuɗɗe ta ƙasa da ƙasa wato (IFC) ta bayyana cewa, ta na son zuba daga tsakanin dala biliyan 25 zuwa dala biliyan 30
Cibiyar ta ce,manufar hakan shi ne, domin a ciki giɓin da ake da shi na samar da rance, ga matsakaitan da ƙananan sana’oin da ke a ƙasar nan.
Daraktar yankin Afirka ta Tsakiya ta Cibiyar da ke gudanar da ayyukan Cibiyar a ƙasar nan Ɗahlia Khalifa, ya bayyana haka a wajen taron ƙaddamar da tsarin shirye-shiyen zuba jari da ake kira a turance,CycleFlow.
- Xi Ya Ba Da Muhimman Umarni Game Da Bunkasa Masana’antar Hidimomi
- EFCC Ta Cafke Mutane 20 A Zaɓen FCT, Ta Kwato Sama Da Miliyan 17 Wajen Masu Sayen Ƙuri’a
Ta kuma sanar da ƙoƙarin da cibiyar ke kan yi, na samar da kyakyawan yanayi ga matsakaita da ƙanannan sana’oi, musamman domin a samar masu da kyakyawan yanayin, guddanar da kasuwaninsu.
Ta sanar da cewa, a yanzu haka an zuba jarin aƙalla dala biliyan 25 domin a ƙara bunƙasa fannin na masu manya da matsakaitan sana’oin da ke a ƙasar nan.
“Masu samar da kaya su kan yi jira har na tsawon kwanuka 90 ko fiye da haka wajen biyan kuɗi da kuma na ayyuka, wanda kuma ba za a iya samun ci gaba a wannan yanayin ba,” Injita.
Ta alaƙanta tsarin na CycleFlow a matsayin na ƙasa wajen samar da kuɗaɗe, musamman ta hanyar yin amfani da fasahar zamani da zai haɗa matsakaita da ƙananan sana’oi.
“Manufar ta Cibiyar IFC shi ne, samar da kasuwanni ga kowa, musamman ƴan kasuwa da aka bari a baya,” A cewarta.
Shi kuwa a na sa jawabin shugaban tsarin na CycleFlow Segun Ogunsanya, ya sanar da cewa, tuni kamfanoni da dama, suka shiga cikin wannan tsarin, wanda ya bayyana cewa, tsarin, zai kuma taimaka wa, matskaita da ƙananan sana’oi da ke a ƙasar nan.
“An samar da wannan tsarin ne, domin a cike giɓin da ake da shi, mai makon yin dogaro na samar da rance, ga matsakaita da ƙannan sana’oi da ke a ƙasar nan,” Inji Ogunsanya.
“Tsarin zai kuma samar da sauƙin samun sahalewar buƙatar kuɗaɗe ga matsakaita da ƙananan sana’oi, ba tare da ɓata wani lokaci ba”, A cewarsa.
Shi ma a na sa jawabin ministan kuɗi Wale Edun, wanda Darakta Janar na hukumar da ke kula da hannayen jari ta ƙasa Dakta Emomotimi Agama, ya wakilce shi, ya sanar da cewa, akwai buƙatar a taimaka wa matsakaita da ƙananan sana’oi da ke a ƙasar nan.
A cewarsa, matsakaita da ƙananan sana’oi da ke a ƙasar nan, na bayar da gudaunmawa da ta kai ta kaso 50 wajen bunƙasa tattalin arzikin ƙasar
“Matsakaita da ƙananan sana’oi da ke a ƙasar nan, na samar da ayyukan yi masu yawa, ga ƴan Nijeriya.
Ya kuma yabawa cibiyar ta IFC kan janyo ƙasar nan, a cikin wannan tsarin, domin yin tafiya da ita tare da ƙoƙarin ƙara haɓaka fannin kuɗin ƙasar.
“Mun ji daɗi kan wannan haɗakar wacce a zahari, zata bayyana ƙoƙrin ƙasar a fannin zuba hannun jari,” Inji Wale.
