Cikin Katin Zabe 30,979 Da Aka Yi Rijistarsu 1,348 Ne Kadai Aka Karba A Edo —INEC

A ranar Asabar din da ta gabata ne Hukumar Zabe Mai Zaman Kanta ta Kasa (INEC), a Jihar Edo, ta bayyana cewa daga cikin katin zabe na dindindin 30,979 (PVC) da suke ajiye ana jiran masu karba a jihar, ya zuwa yanzu 1,348 ne kawai aka karba.

Jami’in hukumar mai kula da wayar da kan masu kada kuri’a, Timidi Wariowei ne ya bayyana hakan a karshen mako a Benin yayin da yake zantawa da manema labarai kan ci gaba da rijistar masu kada kuri’a a jihar.

• 12 Ga Yuni: Muhimman Abubuwan Da Buhari Ya Fada A Jawabinsa Na Ranar Dimokuradiyya

Wariowei ya ce, “Tun daga watan Janairun 2022, muna da jimilar Katin Zabe na Dindindin 30,979 muna jiran masu karba. Amma daga cikin wadannan adadi, Kati 1,348 ne kawai masu su suka karba.”

Ya koka da cewa rashin karbar ba ya karfafa musu gwiwa, don haka ya yi kira ga jama’a da su zo su karbi katin zaben su domin kada kuri’a a zaben 2023 mai zuwa.

Wariowei ya kuma bayyana cewa, a ci gaba da yin rijistar masu kada kuri’a da ake ci gaba da yi, hukumar ta yi wa kimanin mutane 69,448 rajista a jihar.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu