Matatar Man Fetur ta Dangote, ta kara bunkasa tura Man Fetur, samfarin PMS, zuwa ga gidajen da ake sayar Man, da matatar, ta yi hadaka da su a daukacin fadin kasar.
Rahotannin sun bayyana cewa, matatar ta tura Man ne a ranar 6 ga watan Yunin 2026.
An ruwaito cewa, an ga karin yawan Tankokin dakon mai, da ke shiga gidajen da ake sayar da Man, domin sauke Man, musamman a jihar Legas.
Wasu rahotannin sun ce, farashin Man da ake sayarwa a gidajen Mai na MRS ya ragu zuwa Naira 1,282 kan kowacce Lita daya, sabanin a wasu gidajen Man, da ake sayar shi, kan Naira 1,295 zuwa Naira 1,380 na kowacce Lita daya.
A ranar Asabar da ta gabata, matatar ta Dangote ta sanar da rage farashin Man za Defo dinta, daga Naira Naira 1,250 zuwa Naira 1,275 kan wacce Lita, inda kuma ta rage farashin Man Dizil wato AGO, daga Naira 1,800 zuwa Naira 1,700, kan wacce Lita daya.
A cikin sanarwar da aka rabawa manema labarai matatar ta ce, ta kuma kara yawan Danyen Man da take sarrafawa zuwa Ganguna 700,000, ako wacce rana.
Mataimakin Shugaba a sashen samar da Mai da Iskar Gas a rukunonin kamfanin na Dangote Debakumar Edwin ya bayyana cewa, a cikin watanni 30 da suka gabata, matatar ta kara bunkasa yawan Man da ta ke sarrafawa wanda ya gai kimain Ganguna miliyan 1.4.
A cewar hakan, ya kara daga darajar matatar zuwa mataki na duniya, wajen samar da Man da dangoginsa.
