Dan takarar majalisar wakilai mai wakiltar Nsukka/Igbo-Eze ta kudu, Ejikeme Omeje ya mutu a hatsarin mota.
Omeje, wanda shi ne dan takarar jam’iyyar a shiyyar Enugu ta Arewa, ya mutu a wani hatsarin mota da ya afku a safiyar ranar Talata a kan titin Eden Ani/Nsukka, kusa da otal din El-Rina da ke Nsukka.
- Da Dumi-Dumi: ASUU Ta Musanta Shirin Sake Shiga Yajin Aiki
- An Rufe Kasuwar Dutsen Alhaji Saboda Kazanta A Abuja
Wani mai ruwa da tsaki na jam’iyyar APC daga shiyyar wanda ya tabbatar da faruwar lamarin, ya ce lamarin ya faru ne a lokacin da yake kan hanyarsa ta dawowa daga garin Edem-Ani bayan wani taron siyasa.
An ce yana tuki shi kadai a kan hanyar Erina zuwa Edem Ani a garin Nsukka, sai kwatsam sai motar ra kwace masa, hakan ya sa ta kutsa cikin daji, ta bugi wata bishiya.
An garzaya da shi asibiti amma daga baya ya rasu da sanyin safiyar Talata sakamakon munanan raunukan da ya samu a hatsarin.
Shi ma da yake tabbatar da faruwar lamarin, sakataren jam’iyyar APC na Jihar Enugu, Mista Robert Ngwu, ya bayyana lamarin a matsayin abin ban tsoro.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
