Direban Da Ya Murƙushe Furen Gwamnati A Kano Ya Shiga Hannu

Hukumar lura hanya da rage cunkoson ababen hawa ta jihar Kano (KAROTA) ta kama wani direba (ba a bayyana sunansa ba) bisa zargin karya dokokin ababen hawa da murƙushe furannin da gwamnatin jihar ta dasa a babban titin birnin Kano.

Lamarin ya faru ne a ranar Alhamis a titin Murtala Muhammad dake cikin birnin Kano, inda aka ruwaito direban ya ketare daga inda bai dace ba zuwa titin kuma ya murƙushe sabbin furannin da aka dasa.

• KAROTA Ta Kama Matasa 5 Kan Ɗaukar Bidiyo A Kan Hanya A Kano
• Tuƙin Ganganci: Direba Ya Kashe Jami’in KAROTA

Mai magana da yawun KAROTA, Abubakar Ibrahim Sharada, ya tabbatar da kama direban, inda ya ce za a gurfanar da shi domin zama izina ga sauran direbobi.

Sharada ya kuma gargaɗi direbobi da su kiyaye dokokin hanya, yana mai cewa hukumar ba za ta lamunci lalata dukiyar gwamnati ba.

Abubakar Sulaiman

Website |  + postsBio

• Abubakar Sulaiman

  Sojoji Sun Kuɓutar Da Mutane 11 Da Aka Yi Garkuwa Da Su A Kebbi
• Abubakar Sulaiman

  Dino Melaye Ya Ƙalubalanci Tinubu Gasar Karanta Alƙur’ani
• Abubakar Sulaiman

  Ba Za Mu Yarda Da Maguɗin Zaɓe Ba – Dino Melaye Ya Gargaɗi INEC
• Abubakar Sulaiman

  Tinubu Ne Zai Lashe Zaɓen Shugaban Ƙasa A 2027 – Barau