EFCC Ta Bankaɗo Makarantar Koyar Da Damfara A Intanet A Abuja, Ta Kama Mutane 31

Hukumar EFCC ta cafke mutane 31 da ake zargi da damfara ta intanet a wani sumame da ta kai a wata cibiyar horas da masu aikata laifukan yanar gizo (“Yahoo Academy”) da ke Becki Estate, Karu a Babban Birnin Tarayya Abuja.

An kama waɗanda ake zargin, ciki har da shugabanninsu biyu da ɗalibai masu koyon aikin ne yayin da suke karɓar horo kan yadda ake gudanar da damfara ta intanet. Kayayyakin da aka kwato sun haɗa da wayoyi, da kwamfutoci guda 18 da sauran na’urori.

• EFCC Ta Sanya Alama Kan Kadarorin Malami Da Ake Bincika
• EFCC Ta Nemi Kotu Ta Ƙwace Kadarori 57 Da Ake Dangantawa Ga Malami

Binciken EFCC ya nuna cewa wasu daga cikin ɗaliban an jawo su ne daga Jihar Benue da alƙawarin samun aiki, amma da zarar sun isa cibiyar, sai aka ba su na’urorin sadarwa da kwamfutoci tare da fara horas da su yadda ake aikata damfara.

An kuma gano cewa masu tafiyar da cibiyar suna tsare ɗaliban a wurin, suna taƙaita motsinsu, tare da karɓe wayoyinsu domin hana su hulɗa da waje, yayin da ake yi musu hukunci na duka idan suka nuna rashin biyayya.

Hukumar ta ce za ta gurfanar da wadanda ake zargin a gaban kotu da zarar ta kammala bincike kan lamarin.

Abubakar Sulaiman

Website |  + postsBio

• Abubakar Sulaiman

  Tunisiyya Ta Sallami Kocinta Bayan Shan Kashi 5-1 A Wasan Farko Na Kofin Duniya
• Abubakar Sulaiman

  Kotu Ta Umarci INEC Ta Soke Rajistar ADC Da Wasu Jam’iyyu 4
• Abubakar Sulaiman

  ADC Ta Zaɓi Amaechi A Matsayin Mataimakin Atiku A Zaɓen 2027
• Abubakar Sulaiman

  Annobar Ƙwalara Ta Kashe Mutane Biyar, 11 Sun Kamu A Filato