Babban bankin zuba jari na duniya, Citi Bank, ya yi hasashen cewa farashin ɗanyen mai a kasuwannin duniya zai ci gaba da raguwa cikin watanni shida zuwa 12 masu zuwa, inda zai iya kaiwa tsakanin dala 60 zuwa 65 kan kowanne gangar mai nan da farkon shekarar 2027.
Bankin ya danganta wannan hasashe da daidaituwar zirga-zirgar jiragen dakon mai ta mashigin ruwa ta Hormuz bayan Amurka da Iran sun rattaba hannu kan yarjejeniyar fahimtar juna domin kawo ƙarshen rikicin da ke tsakaninsu.
Rahotanni sun nuna cewa jiragen dakon mai sun koma amfani da mashigin Hormuz, yayin da Amurka ta sanar da janye takunkumin da ta kakabawa Iran bayan fara , da yarjejeniyar wucin gadi ta tsagaita wuta, duk da cewa har yanzu akwai wasu muhimman batutuwa da ba a warware ba tsakanin ƙasashen biyu.
Citi Bank ya ce idan zirga-zirgar mai ta koma yadda take a baya ta mashigin Hormuz, farashin mai zai sake komawa kan yanayin kasuwa na zahiri. Tuni farashin mai ya sauka zuwa mafi ƙaranci tun bayan fara rikicin a watan Fabrairu, yayin da masana ke hasashen cewa fitar da mai ta mashigar, wadda ke ɗaukar kusan kashi ɗaya cikin biyar na arziƙin man duniya, za ta ci gaba da komawa yadda take a watanni masu zuwa.
