Gwamnatin Jihar Gombe, ta kulla wata yarjejeniya da kamfanin ‘Label Nigeria’, domin gina katafariyar mayankar dabbobi ta zamani a jihar, wacce ake sa ran za ta lashe kudi har kimanin Naira biliyan uku.
Wanan dai, na daya gaba bangare na shirin inganta kiwon dabbobi da tsaftar abinci da kuma rage matsalolin kiwon dabbobi a fadin jihar ta Gwambe.
- Darajar Cinikayyar Waje Ta Sin Ta Karu Da Kaso Shida Bisa Dari A Afirilu
- Tsaro Ya Inganta A Zamfara, In Ji Gwamna Lawal Yayin Tattakin Zaman Lafiya Na Tarihi A Jihar
Kazalika, aikin na daga cikin bangaren shirin inganta kiwon dabbobi tare da tsaftar abinci da kuma rage matsalolin kiwon dabbobi wato (L-PRES).
Babban Bankin duniya ne ke tallafa wa wannan shiri, da manufar kara kyautata harkokin kiwon dabbobi tare kuma da sarrafa nama cikin tsafta a fadin jihar.
An dai kulla wannan yarjejeniya ce tare da kamfanin ‘Lubel Nigeria’ da wa’adin kammalawa na wata tara, ma’ana zuwa watan Fabrairun shekarar 2025.
A jawabinsa a wajen rabbata hannun yarjejeniyar, jami’in shirin na jihar ta Gwambe, Farfesa Usman Bello Abubakar, ya danganta wannan aiki a matsayin wani babban ci gaba a jihar.
Ya kara da cewa, aikin ba kawai wurin yanka dabbobi ba ne, akwai kuma batun zuba hannun jari ga ci gaban kiwon su kansu dabbobin.
A cewarsa, za su tabbatar da aiki da ka’idojin duniya wajen tsafta, yanka da kuma sarrafa nama.
Jami’in ya kuma yaba wa gwamnan na Jihar Gombe, Inuwa Yahaya bisa hangen nesansa na kokarin kyautata samar da kayan more rayuwa da kuma bunkasa tattalin arzikin jihar baki-daya.
Shi kuwa a nasa jawabin, shugaban gudanarwa na kamfanin Arch. Yunusa Yakubu, ya yi alkawarin kammala aikin cikin inganci, sannan kuma a kan lokaci.
Ya kuma bayar da tabbacin, cika dukkanin sharuddan da suka wajaba, domin tabbatar da nasarar aikin.
A cewar Yunusa, da zarar an kammala aikin; ana sa ran zai kawo sauyi mai amfani ga harkar sarrafa nama a Gombe tar kuma da rage hadarin rashin tsaftar da ke tattare da hanyoyin gargajiya da samar da damammaki a kiwon na dabbobi.
