Gwamnatin Tarayya Zata Biya Naira Biliyan 700 Ga Ƴan Kwangila 1,240 Da Aka Tantance

Gwamnatin Tarayya ta amince da sakin Naira biliyan 700 domin biyan kwangiloli 1,240 da aka tantance kuma aka tabbatar da ingancinsu a faɗin ƙasar nan.

Rahotanni sun nuna cewa matakin na daga cikin ƙoƙarin gwamnati na rage basussukan kwangiloli da ake bin ta, tare da farfaɗo da ayyukan raya ƙasa da suka samu tsaiko sakamakon jinkirin biyan kuɗaɗe.

Hukumomi sun bayyana cewa an gudanar da cikakken tantancewa kafin amincewa da biyan kuɗaɗen, domin tabbatar da cewa kamfanoni da masu kwangilar da za su amfana sun cika dukkan sharuɗɗan da ake buƙata.

Ana sa ran biyan kuɗaɗen zai taimaka wajen ƙara haɓaka ayyukan gine-gine da sauran muhimman ayyuka, tare da samar da guraben ayyukan yi da kuma bunƙasa tattalin arziƙi a sassa daban-daban na ƙasar nan.

Abubakar Sulaiman

Website |  + postsBio

• Abubakar Sulaiman

  Sojoji Sun Daƙile Yunƙurin ISWAP Na Sace Ɗalibai A Borno, Sun Ceto 46
• Abubakar Sulaiman

  NDLEA Ta Cafke Kwayoyin Tramadol Miliyan 1.63 Da Akai Nufin Shigar Da Su Kano
• Abubakar Sulaiman

  Abubuwa Shida Da Ya Kamata Mace Ta Sani Kafin Ta Yi Aure
• Abubakar Sulaiman

  Sabon Tsarin Tikitin Abinci Na Nusuk Zai Iya Ƙara Kuɗin Bizar Umrah