A wani sabon yunkuri na inganta zaman lafiya da tsaro daga tushe, sarakunan gargajiya 80 daga Masarautar Zazzau da ke Jihar Kaduna sun fara karbar horo na kwanaki biyar kan sasanta rikici da samar da zaman lafiya a Zariya.
Taron, wanda Green Horizon ya shirya tare da tallafi daga Shirin SPRING na Ofishin Harkokin Waje, Commonwealth & Debelopment Office (FCDO) da Burtaniya ke tallafawa, an tsara shi ne don ba wa masu unguwanni kayan aiki masu amfani don magance rikice-rikice da habaka jituwa tsakanin al’umma.
- Rashin Halartar Gwamnoni Taron Yi Wa Tsarin Mulki Kwaskwarima A Kaduna Ya Haifar Da Cece-kuce
- Manyan Jami’an ‘Yansanda 150 Ke Fuskantar Kwamitin Ladabtarwa
A jawabinsa wajen bude taron, shugaban kungiyar ta Green Horizon, Farfesa Muhammed Tabiu (SAN), ya ce horon ya ginu ne a kan nasarorin da aka samu a tarurrukan gwaji na baya da aka gudanar a farkon shekarar.
“Wannan shiri ci gaba ne na sadaukarwar da muka yi na karfafa shugabannin gargajiya a fadin Arewacin Nijeriya tare da kwarewa wajen magance rikice-rikice da sasantawa,” in ji Farfesa Tabiu.
Ya kuma jaddada muhimmancin karfafa tsarin shari’a na gargajiya, yana mai cewa, da yawa daga cikin sarakunan gargajiya, duk da irin rawar da suke takawa wajen wanzar da zaman lafiya, sau da yawa ba sa samun horo a kan yadda za a warware rigima.
Ya jaddada cewa wannan taron bitar yana magance wannan gibin. Yana mai da hankali kan muhimman batutuwa kamar ka’idojin shari’a na asali, ‘yancin dan’Adam, dokokin iyali, madadin sasantawa, da hadin gwiwa tare da tsarin shari’a na yau da kullum, “Ya bayyana muhimmiyar rawar da suke takawa wajen wanzar da zaman lafiya, sau da yawa ba su da horo na yau da kullum game da warware takaddama.
Babban abin da ya fi daukar hankali a cikin shirin shi ne taron tattaunawa na ranar karshe, wanda zai hada sarakunan gargajiya da wakilai daga manyan cibiyoyi, da suka hada da ‘yansandan Nijeriya, kotunan shari’a da majistare, NDLEA, DSS, da ‘yan banga na cikin gida, domin kara karfafa hadin gwiwa tsakanin hukumomi wajen magance rikice-rikicen cikin gida.
Farfesa Tabiu ya kuma bayyana cewa, za a yi irin wannan horon na wasu sarakunan gargajiya 80 daga Masarautar a watan Agusta ko Satumba, wanda ya kai adadin shugabannin al’umma da aka horas da su zuwa 240.
Babban abin da ya fi daukar hankali a cikin shirin shi ne taron taron na ranar karshe, wanda zai hada sarakunan gargajiya da wakilai daga manyan cibiyoyi, da suka hada da ‘yan aikin Nijeriya, kotunan shari’a da majistare, NDLEA, DSS, da ’yan banga na cikin gida, domin kara hadin gwiwa tsakanin kungiyoyin wajen rikice-rikicen cikin gida.
A nasa jawabin, Mai Martaba Sarkin Zazzau, wanda ya samu wakilcin Wazirin Zazzau, Khadi Muhammad Inuwa Aminu, ya bukaci shugabannin kauyuka da masu unguwanni da suka halarci wannan horon da muhimmanci, inda ya jaddada muhimmiyar rawar da suke takawa wajen samar da zaman lafiya a tushe.
