Mahaifiyata Ta Sare Min Hannaye Haka Siddan- Budurwa

Wata Budurwa Mai suna Gloria Smart, dake zaune a al’ummar Ezhionum ta Jihar Delta ta bayyana yadda mahaifiyarta ta tasamma hallaka ta ba tare da dalilin komai ba.

Mahaifiyar ta ta ta kai mata same ne da adda inda akai ba ta yi nasarar kashe ta ba. Da take zantawa da manema labarai, budurwar Mai shekarun 21, ta bayyana cewa, mahaifiyarta ce ta sare mata hannaye biyu Gami da kekketa mata fuska da adda.

• APC Ba Ta Da ‘Yan Takarar Sanata A Mazabun Yobe Ta Arewa Da A’Ibom Ta Arewa —INEC

Ta bayyana manema labarai cewa har yanzu Bata San laifin da ta yi wa mahaifiyarta da take yunqurin kashe ta ba. Ta ce abin da ya faru da ni abu ne da ban taba tsammani ba, domin ko mahaifiyata ce da kanta ta sare min hannaye Gami da kekketa min fuska da adda.

Da aka tambaye ta game da yadda lamarin ya faru sai ta ce, “Abin da zan iya tunawa shi ne, wata rana na shiga yin fitsari ban san mamata tana rike da adda ba, kawai sai na ji an fada ni da sara ko ta ina.

Ihun a nake yi ne ya sa mahaifina ya kawo min dauki, ko da ya zo kaina lokacin ta gama sassara ni na fadi a sume. Abin da ban sani ba shi ne, ashe Shima baban nawa ya so ya sassara mahaifiyar tawa, bayan da na farka ake gaya min.

An yi nasarar hana shi ne aikata hakan ne yayin da aka ji yana kururuwar Neman a masa kawo dauki, zuwansu ya taimaka, yayin da a bangare guda kuma aka tasa keyyar mahaifiyar tawa zuwa ofishin Jami’an tsaro,” in ji ta.

Lamarin ya faru ne a Jihar Edo.