Martanin Kwankwasiyya Ga Atiku: Obi Da Kwankwaso Ne Kaɗai Ke Samun Goyon Baya Na Gaskiya

Ƙungiyar Kwankwasiyya ta mayar da martani ga kalaman tsohon Mataimakin Shugaban Ƙasa, Atiku Abubakar, inda ta ƙi amincewa da ra’ayin cewa tasirin siyasar Rabiu Musa Kwankwaso a Kano yana raguwa.

Martanin na zuwa ne a daidai lokacin da ake ƙara fafatawa kan tikitin takarar shugaban ƙasa na haɗakar jam’iyyun adawa a ƙarƙashin jam’iyyar ADC.

Da yake magana a tashar Trust TV, kakakin ƙungiyar, Hon. Habib Mailemo, ya yi watsi da kalaman Atiku, yana mai cewa Peter Obi da Kwankwaso ne kaɗai ke da abin da ya kira “goyon bayan jama’a na gaskiya” a faɗin ƙasar.

“Peter Obi da ubangidana, Alhaji Rabiu Musa Kwankwaso, su ne kaɗai ke da magoya baya na gaskiya waɗanda ba a sayensu da komai. Burinsu ya yi daidai da imani da ƙwarewarsu da kuma tarihin aikinsu, kuma talakawa na son su a zuciya,” in ji shi.

Sulaiman

+ postsBio

• Sulaiman

  Ana Gudanar Da Taron Masana Ilmin Harkokin Kasar Sin Karo Na Uku
• Sulaiman

  Sin: Ya Kamata Tarayyar Turai Ta Dubi Huldar Tattalin Arziki Da Ciniki Tsakaninta Da Sin Bisa Daidaito
• Sulaiman

  An Gudanar Da Taron “Tattaunawar Magadan Garuruwa Na Duniya Na 2026” A Birnin Beijing
• Sulaiman

  2027: Kasancewa Ɗan Arewa Kaɗai Ba Zai Tabbatar Da Samun Ƙuri’u Ba – Baba-Ahmed