Jarumin Kannywood Lawal Muhammad Mas’ud kokuma Auwal Marafa kamar yadda ake kiranshi ya bayyana cewar kafin yanzu bai taba tunanin zai iya harkar fim ba.
Auwal ya bayyana haka ne yayin wata hira da manema labarai inda ya ce a shekarar da cutar Corona ta barke a Nijeriya kuma gwamnatin Jihar Kaduna ta dauki matakin yin dokar kulle, ne ya fara amfani da basirarshi ya na yin bidiyo a shafinsa na Tik Tok inda ake ganinsa ya na abubuwa na ban mamaki da ya hada da surkulle da rufa ido.
- Gyaran Mama Ga Matan Da Suka Haihu
- An Gudanar Da Zaɓen Ƙananan Hukumomi Cikin Kwanciyar Hankali A Kaduna – Gwamna Sani
Da haka ne har wasu masu wannan harka ta fim suka nemi ya shigo cikinsu domin kuwa sun ga cewar zai iya, ba tare da wata matsala ba, da haka ne ya shiga harkar kuma Allah ya sa ya samu dimbin alheri sanadiyar shiga harkar.
A yanzu haka Auwal ya fito a manyan fina finai a masana’antar ta Kannywood da suka hada da fim mai dogon zango na Labarina, inda mafi yawanci yake fitowa a matsayin jami’in hukumar ‘yan sanda ko kuma wani jami’in gwamnati sakamakom yafi iya wannan fannin.
Daga karshe jarumin ya shawarci matasa masu sha’awar shiga wannan harka ta shirin fim da su shigo da zuciya daya domin kuwa duk abinda ka zo dashi shi, shi zaka samu in alheri in kuma sharri inji shi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
