Daya daga cikin dattijai mata a masana’antar Kannywood Balaraba Abdullahi ko kuma Baba Lami kamar yadda wasu ke kiranta ta bayyana yadda ta ke haduwa da kalubale kala kala a wajen mutane masu sha’awar kallon fina finanta musamman shirin Garwashi, inda ta ce wasu na yi mata fatan mutuwa saboda irin rawar da ta taka a cikin shirin.
Balaraba wadda ta ce hatta ‘ya’yan ta na fama da kyara a wajen mutane, ta bayyana cewar mummunan hali ko kuma rashin mutunci ba halinta ba ne a zahiri, duk da mutum ba zai yabi kansa ba amma ni ba haka halina yake a zahiri ba inji ta.
- Matsalar Almajirai Da Yaran Da Ba Su Zuwa Makaranta Kalubale Ga Shugabannin Arewa – Sultan
- Minista Ya Nemi Kafafen Yaɗa Labarai Da Jajircewa Wajen Kare Dimokuraɗiyya
Ina yin bakin kokarina wajen ganin na aiwatar da duk aikin da Darakta yace in yi a cikin fim ba don ina da wani hali marar kyau ba, kawai dai ina yin aiki ne kamar yadda aka saka ni ina fatan mutane za su yi mani adalci su gane cewar ba ni nake da ikon yin wani abu a fim ba kawai ina bin umarnin mai bada umarni ne kawai inji Balaraba
Tun da farko da ta ke amsa tambaya akan ko ta taba haduwa da wata tsangwama dangane da fina finanta sai ta ce “na taba zuwa Kasuwa a nan Kano sai wani yaro ya daka min tsawa wai in bari yarinya ta auri wanda take so ba wai sai zabina ba sai na ce mashi yaro ba yin kaina bane haka Darakta ya ce in yi.
Dag karshe Baba Lami kamar yadda ta fito a cikin shiri mai dogon zango na Garwashi ta ce ita ba masifaffiya bace kamar yadda wasu ke gani a cikin fina finata, kuma ba ita ke zabarwa kanta irin rawar da zata taka a shirin fim ba.
