Hukumar Kula da Tashoshin Jiragen Ruwa ta Kasa wato NPA, ta sanar da cewa, tsarinta na alumma na PCS, da ta ke kan yi a jihjar Legas zai zo karshe a cikin makwanni kadan.
Hakan na zuwa ne bayan da majalisar zartarwa ta kasa, ta amince da wani bangare na manhajar tsarin.
Shugaban hukumar ta NPA Abubakar Dantsoho, ya bayyana haka, inda ya sanar da cewa, tsarin a yanzu, ya kai mataki na kaso 90 a cikin dari, na aikin tsarin.
A cewarsa, a yanzu haka hukumar na kawai jiran yarjewar majalisar kasa ne, kafin hukumar, ta fara wanzar da aikin kai tsaye.
An dai samar da tsarin na PCS ne, bisa nufin sada sauran hanyoyin zirga-zirgar Jiragen Ruwa a kan ruwa, wanda hakan zai bai wa abokan hudda damar gudanar da hada-hadarsu, ta hanyar amfani da fasahar zamani.
Dantsoho ya kara da cewa, tsarin tamkar wani ginshiki ne, na tsarin NSW, wanda aka faro shi, a ranar 27 ga watan Maris.
Ya ci gaba da cewa, nan ba da jimawa ba, za a wanzar da wannan tsarin, da za’rar ya samu amincewa ta karshe.
A cewarsa, tsarin ana kuma sa ran, zai rage yawan yadda ake yawan yin rubuce-rubuce, a takardu, wanda hakan zai kuma kawar da duk wani jinkiri da ake samu na gudanar da ayyuka, a Tashoshin Jiragen Ruwa na kasar nan.
Shugaban ya danganta nasarar da aka samu, musamman ta baya-bayan nan wajen fitar da kaya, zuwa kasar waje, ba tare da wata tangarda ba.
Ya kara da cewa, hakan ya sanya kasar nan, ta samu damar fitar da kayan da suka kimain metric tan 500,000, na kayan da aka sarrafa zuwa wasu kasashen da ka a nahiyar Afirka, a cikin watan da ya gabata, musamman duk da yakin da ake ci gaba da gwabawa, a Gabas ta Tsakiya, wanda hakan ya sanya, aka toshi wasu manyan hanyoyi.
“An samu cimma wannan nasarar ce, musamman saboda kyawawan tsare-tsaren da ministan bunkasa tattalin arziki na Teku ya kirkiro da su,” Inji Dantsoho.
Discussion about this post