Rikicin ‘Yan Bindiga: Adadin Mutanen Da Aka Kashe Ya Karu Sama Da Mutum 100 A Katsina

Wannan adadi na zuwa ne jim kadan bayan da Gwamna Aminu Masari na jihar ya aike da tawaga karkashin jagorancin sakataren gwamnatin jihar Alhaji Muntari Lawal domin jajantawa iyalan wadanda lamarin ya shafa.

Mazauna yankunan da lamarin ya shafa sun ce adadin wadanda suka mutu ya haura dari, inda suka ce, ana ci gaba da zakulo wasu gawarwaki daga yankin da abin ya faru, sabida har yanzun ba’aga wasu mutanen yankunan ba.

• Gwamnatin Nijeriya Ta Yi Allah-Wadai Da Kisan Da Aka Yi Wa ‘Yan Banga A Katsina

Daya daga cikin mazauna kauyen Guga, Abubakar Hashimu, ya shaida wa gidan talabijin na Channels cewa ko a ranar Juma’a an yi jana’izar mutane 63, kuma a ranar Asabar ma an ciko wata mota dauke da gawarwaki sama da 30, har yanzu muna sa ran ganin wasu karin gawarwakin”.

A cewar Hashimu, sama da 100 ne suka mutu ya zuwa yanzu.

A cewar majiyoyi, lamarin ya faru ne a ranar Alhamis bayan da ‘yan ta’addan suka yi awon gaba da shanu da dama na mutanen yankin a ranar Laraba.

Sulaiman

+ postsBio

• Sulaiman

  An Jikkata Mutane, An Lalata Motocin Kamfen A Taron Obi Da Kwankwaso A Delta
• Sulaiman

  Messi Ya Lashe Kyautar Takalmin Zinare Ta MLS A Karo Na Biyu A Jere
• Sulaiman

  Sabon Hukuncin Kotu Kan ADC Na Iya Janyo Yaƙin Basasa — Amaechi
• Sulaiman

  Zaɓen 2027 Zai Fayyace Makomar Matasa — Tinubu