Dan wasan kungiyar kwallon kafa na Arsenal Bukayo Saka ya sanya hannu akan karin kwantiragin shekaru 5 a Arsenal, kwantiragin zai sa dan wasan na Ingila ya cigaba da zama a Emirates Stadium har zuwa shekarar 2031, Saka ya koma Karamar kungiyar Arsenal data Watford a shekarar 2008.
Majiyoyi sun shaida wa BBC Sport cewa yarjejeniyar za ta sanya Saka ya zama dan wasan da ya fi kowanne dan wasa karbar albashi a kulob din, inda zai dinga amsar fiye da Yuro 300,000 a mako, an shafe kusan shekara guda ana tattaunawa kan sabuwar yarjejeniyar, inda Saka ya amince da yarjejeniyar a watan Janairu.
Saka ya sanya hannu kan yarjejeniyar tsawaita kwantiragi a shekarar 2023 wadda za ta kare a shekarar 2027, amma wannan sabuntawar na nufin dan wasan mai shekaru 24 ya sadaukar da mafi girman shekarunsa na kwallon kafa a kungiyar ta Landan.
Labarin karin kwantiragin zai zama wani karin karfin gwiwa ga Arsenal wadda ke fafutukar ganin ta lashe gasar Firimiya karo na farko cikin shekaru fiye da 20, yarjejeniyar kuma alama ce ta yadda kungiyar ke.kokarin ganin ta rike manyan yan wasanta na tsawon lokaci, manyan yan wasa William Saliba, Gabriel Magalhaes, Ethan Nwaneri da Myles Lewis-Skelly duk sun sanya hannu kan sabbin kwantiragi na dogon lokaci.
