Shugabannin Sin Da Rasha Sun Sanya Hannu Kan Sanarwar Hadin Gwiwa Tsakanin Kasashen Biyu

A safiyar yau 20 ga watan Mayu, shugaban kasar Sin Xi Jinping a birnin Beijing ya gana da shugaban Rasha Vladimir Putin wanda ya kawo ziyara Sin.

Bayan tattaunawar, shugabannin biyu sun sanya hannu kuma sun fitar da “Sanarwar hadin gwiwa ta Jamhuriyar Jama’ar Sin da Tarayyar Rasha game da kara karfafa hadin gwiwa bisa manyan tsare-tsare a dukkan fannoni da zurfafa hadin gwiwar sada zumunci da zaman lafiya” , tare da shaida sanya hannu kan takardun hadin gwiwa guda 20 a fannoni kamar kasuwanci da tattalin arziki, ilimi, fasaha da sauransu, sannan suka zanta da manema labarai tare.

A ziyarar Putin ta wannan karo, bangarorin Sin da Rasha sun kuma fitar da “Sanarwar Jamhuriyar Jama’ar Sin da Tarayyar Rasha game da bayar da shawarwari ga tsarin kasancewar bangarori daban-daban na duniya da sabbin nau’o’in dangantaka tsakanin kasa da kasa” .

Bugu da kari, a wannan rana, Xi da Putin sun halarci bikin bude “shekarar ilimi tsakanin Sin da Rasha” tare, inda suka yi jawabi, tare da kaddamar da tambarin shekarar ilimi tsakanin Sin da Rasha.

Ban da wannan kuma, a yau ma’aikatar harkokin waje ta Sin ta sanar da cewa, shugaban Sabiya Aleksandar Vučić zai ziyarci Sin daga ranar 24 zuwa 28 ga watan Mayu. (Amina Xu)

Sulaiman

+ postsBio

• Sulaiman

  Binciken CGTN Ya Shaida Gamsuwar Masu Bayyana Ra’ayoyi Da Gudunmawar Sin Game Da Tsarin Jagorancin Hakkin Bil’adama
• Sulaiman

  Kasar Sin Ta Sanar Da Sanya Takunkumi A Kan Ministan Tsaron Kasar Philippines Da Iyalansa
• Sulaiman

  An Kaddamar Da Dandalin Kasa Da Kasa Game Da Tsarin Jagorancin Hakkin Dan Adam Na Shekarar 2026 A Beijing
• Sulaiman

  Kwararrun Sin Da Na DRC Sun Tattauna Matakan Hadin Gwiwa Na Dakile Cutar Ebola