Ministan harkokin wajen kasar Sin Qin Gang, ya bukaci Japan ta dauki ra’ayi mai ma’ana da sanin ya kamata dangane da kasar Sin, ta kuma cika alkawarinta tare da yin abubuwan da suka dace a baki da kuma aikace, dangane da manyan batutuwa kamar tarihi da kuma Taiwan.
Qin Gang ya bayyana haka ne yayin zantarwarsa da ministan harkokin wajen Japan Yoshimasa Hayashi ta wayar tarho, a jiya.
Har ila yau, da yake tattauwa da takwaransa na Turkiye Mevlut Cavusoglu a jiya kuwa, Qin Gang ya bukaci Turkiye ta dauki batutuwan da suka shafi Xinjiang da Sin ke da damuwa kansu da muhimmanci domin tabbatar da dangataka tsakanin kasashen biyu ta ci gaba da kasancewa mai aminci. (Mai fassarawa: Fa’iza Mustapha)
ADVERTISEMENT
