‘Yansandan karamar hukumar Udu da ke jihar Delta sun samu nasarar kama wani saurayi mai suna Samuel bayan mutuwar abokinsa sakamakon dirkar kwayar tiramadol.
Marigatin ya sayo kwayar da yawa wanda kuma ya tsaya ya dinga afawa a wani filin kwallo kafin ya je gidan wani abokinsa.
- ‘Yan Bindiga Sun Kashe Mutum 8 A Kudancin Kaduna
- Duk Da Tsadar Kujerar Aikin Hajjin Bana, Jihar Kaduna Na Bukatar Karin Kujera 500
Bayan ya sha ya yi tatil, sai ya wuce gidan wani abokinsa. Yana zuwa gidan abokin nasa bakinsa na kumfa, nan take ya fadi, kafin ka ce kwabo ya sheka barzahu.
Makotan gidan abokin nasa sun bayyana cewa,da ma duk lokacin da ya sha kwayar sai ya zo ya dame su,don haka suka ce, dama ai karshen alewa kasa.
Jami’in hulda da jama na rundunar ‘yansandan jihar Delta DSP Bright Edafe ya ce,’yanda ba za su ce komai ba a yanzu saboda iyayaen marigayin sun ki ba ‘yansanda hadin kai, don yin bincike. Yanzu haka dai wanda ake zargin na garkame a hannun ‘yansanda.
