Tsohon Sakataren Gwamnatin jihar katsina, Alhaji Mustapha Inuwa, ya shawarci daukacin al’ummar jihar da su kubutar da kansu daga rashin iya mulkin jamiyyar APC mai mulki a jihar.
Inuwa wanda ya sanar da hakan a mahaifarsa ta karamar hukumar Dan-Musa jim kadan bayan ya karbi katinsa na koma wa jamiyyar PDP, ya kara da cewa, irin bakar yunwar da APC ta jefa ‘yan Nijeriya ciki, ya isa ‘yan kasar su yi waje da APC a zaben 2023.
NDLEA Ta Damke Mutum 345 Bisa Zargin Ta’ammali Da Miyagun Kwayoyi A Katsina
‘Yan Nijeriya ba su manta da tsananin wuyar rayuwar da gwamnati mai ci ta jefa su ciki ba, ‘yan Nijeriya na ci gaba da fuskantar barazanar yunwa da matsin rayuwa, saboda haka ne, su ke son yin amfani da kudade wajen siyan kuri’u, ina shawartarku cewa, in sun baku kudin, ku karba, amma ku zabi cancanta.
Inuwa ya kuma yi kira ga ‘yan Nijeriya da su zabi PDP a zaben 2023 domin ita ce jam’iyya daya tilo da za ta tsamo ‘yan kasar daga cikin halin matsin rayuwa da suke ci gaba da fuskanta a karkashin mulkin APC.
