Lokacin da tsohon Sanata Dino Melaye ya wallafa a shafukan sada zumunta cewa Peter Obi zai iya aiki ne kawai a karan kansa, nan take ya zama daya daga cikin batutuwan siyasa mafi shahara a makon nan.
Kusan makonni biyu kacal bayan da shugabannin ‘yan adawa sun taru a Ibadan suka yi alkawarin yin hadaka kafin zaben 2027, hadakan ‘yan adawan Nijeriya tuni ya fada cikin rikici.
“Peter Obi ya tusa kansa cikin yanayi mai wuya. Zai iya aiki ne kawai a karan kansa, wanda hakan kuma ya saba wa ka’idar siyasar da muke ciki a yanzu,” Melaye ya rubuta.
Rahotonni sun bayyana cewa kwanakin bayan Obi da Rabiu Musa Kwankwaso suka bar jam’iyyar ADC, zuwa NDC, wanda hakan ya jefa sabon rashin tabbas cikin kokarin gina hadaka na manyan jam’iyyun adawa domin yakar APC.
Ga yawancin ‘yan Nijeriya, abubuwan da suka faru sun tuna musu zaben shugaban kasa na 2023, lokacin da rabuwar kawunan ‘yan adawa ta taimaka wajen bude kofar nasarar Shugaba Bola Ahmed Tinubu duk da fushin mutane game da wahalhalun tattalin arziki da rashin tsaro.
Tsoron da yawancin magoya bayan ‘yan adawa ke yi na cewa tarihi na iya maimaita kansa.
A lokacin zaben 2023, Tinubu ya lashe zaben shugaban kasa da kuri’u kimanin miliyan 8.79, kusan kashi 37 cikin dari na jimillar kuri’un da aka jefa.
Yayin da tsohon mataimakin shugaban kasa, Atiku Abubakar ya samu kuri’u kusan miliyan 6.98, yayin da Obi ya samu kusan miliyan 6.10. Kwankwaso ya samu kuri’u miliyan 1.5, mafi yawansu daga Kano da wasu sassan yankunan arewa maso yamma. Idan aka hada su, manyan ‘yan takarar adawa sun sami kuri’u fiye da na Tinubu.
Amma tsarin zaben Nijeriya ya ba dan takarar da ke da karfi tsosai wani gwarin gwiwa fiye a kasa da samun hadin kai a fadin yankuna da ke kasar nan. APC kuma ta amfana daga karancin masu jefa kuri’a da kuma rarrabuwar kawunan ‘yan adawa.
Wannan sakamakon ya haifar da rashin jin dadi a tsakanin magoya bayan ‘yan adawa, da dama daga cikinsu har yanzu suna da yakinin cewa hadakar ‘yan adawa zai iya canza sakamakon.
Taron ‘yan adawa na Ibadan da aka gudanar a ranar 25 ga Afrilu, 2026, an yi shi ne don magance wannan matsalar.
‘Yan siyasa daga kungiyoyi daban-daban na hamayya sun hallara don nuna hadin kai da tattauna yiwuwar cimma yarjejeniya kafin zaben 2027.
Haka kuma taron ya samar da wani babban alkawari na yin aiki tare wajen yin adawa da APC da kuma jure abin da masu jawabi suka bayyana a matsayin kokarin mai da Nijeriya tsarin jam’iyya guda.
A wani bangaren kuma, taron ya haifar da kwarin gwiwar cewa ‘yan adawar Nijeriya sun dauki darasi daga kurakuran da suka tabka a shekarar 2023.
A ranar 3 ga Mayu, hadin gwiwar ‘yan adawa ya shiga cikin matsala bayan Peter Obi da Rabiu Musa Kwankwaso suka shiga jam’iyyar NDC a hukumance, wanda ya zama sun fice daga ADC, wanda ya rushe tattaunawar Ibadan. Wannan lamari ya sauya lissafin ‘yan adawa kafin shekarar 2027.
Maimakon samun hadin gwiwar adawa guda daya mai karfi, yanayin siyasa yanzu yana bayyana cewa an samu rarrabuwar kawuna, bangaren Atiku na ci gaba da kasancewa a cikin jam’iyyar ADC, Obi da Kwankwaso sun hada kai a cikin jam’iyyar NDC, sauran ‘yan siyasa har yanzu suna nazarin yiwuwar hadin kai.
Fadar shugaban kasa za ta yi amfani da rikicin ‘yan adawa don samun nasara.
Mai magana da yawun shugaban kasa, Bayo Onanuga ya zargi Obi da kauce wa fafatawar siyasa masu wuya da kuma canza jam’iyya a duk lokacin da zai fuskanci zaben fitar da gwani.
Rahotanni sun nuna cewa rarrabuwar ‘yan adawa zai iya sake bai wa Tinubu daman sake lashe zabe a 2027.
Lissafin APC yana da sauki, rarrabuwar kawunan ‘yan adawa na rage yiwuwar kalubale mai zafi da zai iya barazanar ga jam’iyyar mai mulki.
A halin yanzu, jam’iyyun adawa suna ta kokarin gamsar da ‘yan Nijeriya cewa sun samar musu ta wata zabi da zai yaki APC kai tsaye.
Mafi yawancin ‘yan Nijeriya da ke fuskantar kunci na tattalin arziki, harkikin siyasa da ake yi a kai a kai yana kara jin kamar ba ya da alaka da abubuwan da ake fuskanta a rayuwar yau da kullum. Don haka, fushin jama’a ba a kan jam’iyyar mai mulki kawai ba ne, amma yana karuwa ga masu fafutukar samun iko ko ta halin kaka.
A yanzu haka, rabewar ‘yan adawa za ta taimaka wa Tinubu. A kowanne mako ana gudanar da sauya sheku, rikice-rikicen cikin gida, da hare-haren jama’a lokaci ne da ake amfani da shi wajen gina kamfen din siyasa.
