Hukumar kula da sufurin jiragen sama ta kasar Sin ta ce adadin jirage mara matuka masu rajista na kasar, ya kai kusan miliyan 3.29 zuwa karshen 2025, karuwar kaso 51 a mizanin shekara-shekara.
Cikin wani rahoton kididdiga kan ci gaban masana’antar jiragen sama na 2025, hukumar ta ce jiragen sama mara matuka sun yi tafiyar sa’o’i miliyan 45.3 a bara, adadin da ya karu da kaso 69.9 kan na shekarar 2024. Zuwa karshen bara, kasar Sin tana da kamfanonin sufurin jiragen sama 65 da jiragen fasinja 4,574 da kuma hanyoyin sufurin jirage na yau da kullum guda 5,488. (Fa’iza Mustapha)
ADVERTISEMENT
