Aminu Ringim Ya Lashe Zaben Takarar Gwamnan Jigawa A NNPP

Aminu Ringim, wanda ya taba zama dan takarar gwamna a Jam’iyyar PDP a Jigawa, ya zama zababben dan takarar gwamnan jihar a karkashin Jam’iyyar NNPP ba tare da hamayya ba.

Ringim ya yi takarar gwamna sau biyu a 2015 da 2019 a jam’iyyar PDP amma hakarsa bata cimma ruwa ba.

• 2023: Gwamnonin APC Daga Arewa Sun Kafe Kai Da Fata Sai Dan Kudu Ya Yi Takara

Musa Abubakar, jami’in zaben fidda gwani na jam’iyyar NNPP a jihar Jigawa, ya bayyana Ringim a matsayin wanda ya lashe zaben takarar gwamna, jim kadan bayan kammala ka’idojin da suka dace a ranar Litinin a Dutse.

Abubakar ya ce wakilai 861 ne aka amince da su don gudanar da zaben daga kananan hukumomin jihar 27.

Ya ce wakilan sun tabbatar da cewa Ringim ne ya lashe zaben, kasancewar shi ne dan takara daya tilo a zaben fidda gwanin.

A jawabinsa na murnar lashe zaben, dan takarar ya godewa wakilai da ‘yan jam’iyyar da sauran masu ruwa da tsaki bisa goyon bayan da suka bayar.

Sulaiman

+ postsBio

• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace
• Sulaiman

  Sin Da Amurka Na Gudanar Da Tattaunawa Dangane Da Yiwuwar Rage Harajin Ramuwar Gayya Wanda Darajarsa Ka Iya Kaiwa Dala Biliyan 30
• Sulaiman

  Gwamnatin Tarayya Za Ta Rika Bai Wa Ɗalibai 100MB Na Data Kyauta Kullum
• Sulaiman

  Sin Da Amurka Na Wanzar Da Mu’amala Game Da Shirin Ganawar Da Manyan Shugabannin Kasashen Biyu Za Su Yi A Bana