Amurka ta lissafa ’yan Nijeriya 18 da za ta kora su daga kasar, bayan da aka riga aka sanya wasu 79 a jerin wadanda za a kora, wanda ya sa jimlar wadanda za a kora ta kai 97.
Wannan na cikin wata sanarwa da aka wallafa a shafin Intanet Ma’aikatar Tsaron Cikin Gida ta Amurka (DHS) a ranar Talata.
- Fubara Ya Rushe Majalisar Zartarwa Ta Jihar Ribas
- An Shirya Bikin Share Fagen Shirin Talibijin Na CMG Na Murnar Sabuwar Shekarar Gargajiyar Kasar Sin A Kasashen Rasha da Faransa Da Brasil Da Kuma Koriya Ta Kudu
Sanarwar ta bayyana cewa an kama wadanda aka lissafa a wasu jihohi da dama na Amurka, a karkashin ayyukan da jami’an Immigration and Customs Enforcement (ICE) suka gudanar.
DHS ta ce, an kara sabbin sunaye ne a cikin wani fadada aikin kame ’yan kasashen waje da aka hukunta saboda manyan laifuka a fadin kasar.
An bayyana cewa wannan ya kasance a karkashin shirin da suke kira “worst-of-the-worst”, wato kame mafi muni daga cikin masu laifi ’yan kasashen waje.
Hukumomi sun ce laifukan da ake zargin sabbin sunayen sun hada da damfara ta waya, damfara ta wasika, da sata ta bayanan sirri, wadanda ke haifar da babbar barazana ga tsaro da kudi.
“Ma’aikatar Tsaron Cikin Gida ta Amurka na nuna mafi muni daga cikin masu laifi ’yan kasashen waje da ICE ta kama,” in ji sanarwar.
Sanarwar DHS Kan Korar ’Yan Nijeriya 18:
Sanarwar ta ce: “A karkashin jagorancin Sakataren Mataimaki Noem, maza da mata na DHS da ICE suna cika alkawarin Shugaba Trump ta hanyar gudanar da korar jama’a da yawa, farawa da mafi muni daga cikin mafi muni.”
Daga cikin ’yan Nijeriya 18 da sunayensu suka bayyana a sabon jerin akwai:
Oluwaseyanu Afolabi, Olugbeminiyi Aderibigbe, Benjamin Ifebajo, Obinwanne Okeke, Kolawole Aminu, Oluwadamilola Ojo. Franklin Ibeabuchi, Aled Ogunshakin, Joshua Ineh
Sauran sunayen sun hada da:
Stephen Oseghale, Eghosa Obaretin, Adesina Lasisi, Ibrahim Ijaoba, Azeez Yinusa, Charles Akabuogu, Kelechi Umeh, Lotenna Umeadi, Donald Ehie, Chukwudi Kalu
Hukumar ta kara da cewa za a fara aiwatar da korar nan da nan bisa doka da ka’idojin shige da fice na Amurka. (NAN)
