Shahararren mawaki Dauda Kahutu Rarara, da ke da dimbin masoya, musamman, saboda basirarsa ta rera wakokin Hausa,  wasu daga cikin masu bibiyar wakokinsa na tambayar shin ko taurarawarsa ta fara dusashewa ne?  Sun yi wannan tambayar ce duba da lamarin da ya faru, yayin taron kaddamar da kamfen din jam'iyyar APC da shugaba Bola Ahmed Tinubu ya halarta a filin wasa na Ranchers Bees da ke Kaduna.  Kahutu ya halarci taron inda ya rera wakokin yabon Shugaba Tinubu a gaban taron jama'a.  Bayanai da bidiyoyi sun nuna fuskoki mabanbanta game da abin da ya faru, a wajen taron.  Rarara ya rera wakokinsa na Asiwaju for Asiwaju (A4A) domin nishadantar da dubban masoya da magoya bayan da suka taru a filin wasan.  A daya bangaren, ce-ce-ku-ce da jita-jita, musamman saboda halin matsin tattalin arziki da ake ciki a kasar, taron ya fuskanci kalubale.  Wannan ya sa aka baza jita-jita daban-daban a shafukan sada zumunta kamar YouTube ko Facebook na neman tsegumi cewa, an kama Rarara ko an ci zarafinsa, a yayin taron.  Amma a Zahiri, Rarara ya gudanar da aikinsa na taya shugaban kasa kamfen a filin taron.  Bugu da kari, a wani taron ranar ‘yancin kai da ya gudana a birnin Abuja, a kwanakin baya, Rarara ya tsallake rijiya da baya a hannun wasu fusatattaun matasa a wajen taron  Lamarin, da ya auku ne, a wajen shakatawa na Monaliza Park, da ke a birnin, yayin da mawakin ya rera wakar yabon shugaban kasa Bola Tinubu, a wajen taron  Jaridar LEADERSHIP ta ruwaito cewa, shiga tsakani kan lokaci da wasu jami’an tsaro da ke a wajen ne, kurar ta lafa. 

Masana'antar Kannywood tana samun gagarumin sauyi, a halin yanzu, hakan na zuwa ne yayin da ake kara samun wasu jarumai mata.  Irin waxannan sabbin fuskokin jaruman mata, sun nuna kwazo da zai sa su ci gaba a harkar.  Wannan sharhin zai yi duba ne kan jeren jarumai mata da masu bibiyar masana’antar ke ganin za su ja zarensu a shekarar 2027.  Aisha Soba:    Ta farkonsu daga cikin wannan jeren ita ce, Aisha Soba, wacce kuma ta na xaya daga cikin sabbin fuskokin da suka yi fice cikin sauri a Kannywood.  Soba, har ta kai ga shiga cikin jerin rukunin jarumai mata da ke a kan gaba wajen fitowa a cikin fina-finai".  Kazalika jarumar ta shahara wajen iya fitar da tsarin da aka ba ta cikin natsuwa.  Tauraronta ya fara haskawa ne a shekarar ta 2025, inda ta fito a wasu fitattun wakoki, kamar irin su 'Makauniya' da Auta MG ya rera wakar kamfanin Arewa Medium ya xauki nauyin fim xin, inda ta fito, a matsayin makauniya a bidiyon wakar.  Fatima Ibrahim:  Matashiyar jarumar, tauraruwa ce da ke kara samun karvuwa a wurin masu kallo musamamn masoyanta.  Jarumar na samun karvuwar ne saboda karsashi da kuma kwarewa a fina-finai na zamani, inda hakan ya sanya, ta shiga cikin jeren waxanann jarumai mata, da za su ja Zarensu a baxi.  Asmau Jika:  Ita kuwa wannan jarumar, ta kasance jigo ce, a tsakanin sabbin jarumai mata da ke tasowa.  Jarumar, ta mai kazar-kazar da kuzar, ta kuma kasance mai jini a jiki, musamman a cikin fina-finan da ta fito.  Asmau na da tasiri a fina-finan da ake saki a dandalin YouTube, wanda hakan, ya sanya, ita ma bi sahun wannan jeren.  Aisha Muhammed Jogana:  Tun bayan fitowarta a shirin Jahilan kauye, jarumar ta kuma fito a cikin wasu fina-finai masu dogon zango kamar irin su in da Ranka da Rayuwar Duniya, hakan ya sanya ta shiga cikin jeren jaruman mata, da masu kallo za su sanya ido a kansu a 2027.  Wasu daga cikin masu fashin baki a masana’antar ta Kannywood na hasashen Aisha za ta taka muhimmiyar rawa a masana’antar, a 2027.  Ummassalama Sadik:  Wannan jarumar da ake yi wa lakabi da Salma Gezawa, ta shafe lokaci tana aikin bayan fage, sai dai, Gezawa, ta fito fili a matsayin babbar jaruma a fim xin Baban Ladi. ...

2027: An Shirya Wa Matasa Bita Kan Guje Wa Kalaman Kiyayya A Kaduna

Hukumar kula da Tashoshin Jiragen Ruwa ta kasa NPA, ta sanar da cewa, tana kan shirye-shiyen samar da sabon tsarin kamun Kifi, a Tekunan kasar.  A cewar hukumar, hakan na daga cikin kokarin da take yi, na kara bunkasa tattalin arzik na Teku da kuma kara fadada, hada-hadar kamun Kifi.  Shugaban hukumar Dakta Abubakar dantsoho, ya sanar da hakan, a kasidar da ya gabatar, a babban taron ci gaba bunka fannin kamun Kifi.  kungiyar ‘yanjairda da ke dauko rahotanin a Tashoshin Jiregen Ruwa ta kasa wato MARCON ta shirya taron a jihar Legas.  Dantsoho ya gabatar da kasidar ce, mai taken, "Gudunmawar da kayan aikin Tashoshin Jiregn Ruwa za su iya bayarwa, a fagen habaka fannin kiwon Kifi a kasar". Mista Adegbite Adewumi, Mataimakin Janar Manaja da shirya tsare-tsare a NPA ne, ya gabatar da kasidar ta Dakta dantsho, a wajen taron.  Dantsoho yayi nuni da cewa, kirkiro da tsarin, zai taiamaka wajen kara fadada fannin kamun Kifi a kasar, musamman duba da yadda ake ci gaba da hbaka tattalin arziki na Teku na kasar.  Ya jaddada cewa, ana kuma sa ran, masu zaman kansu a cikin fannin, musamman a karkashin tsarin zamani na hadaka, na PPP.  Kan kayan aikin Tashoshin da za a yi amfani da su, fannin na kamun Kifin da kuma dakon kayan da suke da saurin lalacewa, shugaban ya  tabbatar da cewa, NPA nak an kokarin samar da kyakyawan yani, musamman domin kula da tafiyar da manyan kaya, zuwa Tashoshin kasar.  A cewarsa, an kebe bangaren Kirikiri, domin Shirin fara wanzar da Shirin na kamun Kifin, tare da kuma samar da na’urorin sanyi, da za a rinka adana Kifin da aka kama.  Ya kuma tabbatar da cewa, an samar da wajen ajiya manyan Kwantaina, da za su rinka dakon kayan da za su iya lalacewa da wuri  Shugaban ya kuma zayyano jeren wasu kayan da ake bukata a fannin na kiwon Kifi, kamar samar da injinonin sanyi, na adana Kifin da aka kamo da sauransu.  Kazalika, dantsoho ya sanar da cewa, manyan Jirege, na shafe sa’oi 24, suna sauka a Tashoshin kasar, musamman a Tashoshin da ke a Yammacin kasar.  A jawabinsa tun da farko, shugaban kungiya Ismail Aniemu, ya bukaci gwamnonin da ke a jihohin kasar, da su zuba jari a fannin, musamman, domin a kara samar da ayyukan yi da kuma kara karfafa samar da wadataccen abinci da kara samar da kudaden shiga.  Ya yi nuni da cewa, bai kamata ace, Nijeriy ana ci gaba da rashin amfana da albakatun da ke a cikin Tekunan kasar ba  A cewarsa, fannin kamun Kifi, kamata ya yi ace, ya cike gibin da ake da shi, a bangaren bunkasa tattalin arziki na Teku  Aniemu ya nuna damuwarsa, kan rashin mayar da hankali  fannin kamun Kfi a kasar, amma aka fi mayar da hankali, a fannin dogaro kan Man Fetur da Iskar Gas  Ya kara da cewa, lokaci ya yi da kasar nan, za ta kara mayar da hankali, domin kara habaka fannin na kamun Kifi a kasar.  A cewarsa, na samar da gagarumar gudunmawa, musamamn a bangaren samar da aikin yi a kasar nan. 

A zango na daya da rabi na shekarar 2026, Jiragen Ruwa da suka isa a tashoshin Jiragen Ruwan da ke kasar, sun kai adadin 2,300.  Wannan karin adadin na 2026, ya kai sama da kaso 6.9 2,152 na Jiragen Ruwa da suka isa a tashoshin Jiragen Ruwan da ke kasar a 2025.  Shugaban hukumar NPA Abubakar dantsoho, ya sanar da haka taron ganawa na karshen shekara  na majalisar ta NPA da ya gudana a jihar Legas.  Taken taron shi ne, “Samar da hanyar saukin yin hada-hadar kasuwanci a tsakanin iyakokin kasa,“.  Masu ruwa da tsaki da dama a fannin, sun halarci taron, inda aka tattaua kan yadda za a kara daukar matakan kara karffaa fannin na sufurin Jiragen Ruwan kasar.  Babbar manajar kula da da kididdiga a NPA, Madam Okenwa Igwebuike ce, ta wakilci  dantsho a wajen taron.  dantsho ya bayyana cewa, a karkashin tsarin yin rijistar zirga-zirgar manyan Jiragen Ruwa na GRT, manyan Jiragen da suka sauka a Tashoshion, sun karu daga kaso miliyan 20.9 zuwa kaso miliyan 96.6, idan aka kwatanta da na miliyan 79.9, da aka samu, a farkon rabin shekarar  2025.  Ya danganta wannan karuwar da aka samu  bisa kara samun gudanar da ayyuka a Tashoshin at Lekki da na Onne.  Ya kara da cewa, manyan kayan da aka sauke a Tashohin, sun karu daga metric tan miliyan  60.8 a zangon farko na shekarar 2025 zuwa tan miliyan 68.2, wanda ya kai kaso 12.2.  Ya ci gaba da cewa, mayan kayan da aka shigo da su daga ketare zuwa cikin Tashoshin, sun karu daga tan miliyan 38.4, zuwa tan miliyan 36.3.  Kazalika, shugaban ya sanar da cewa, manyan kayan da dka fitar da su daga Tashohin, sun karu daga tan miliyan 23.5 zuwa tan miliyan 29.2.  Shugaban na NPA ya bayyana cewa, yawan kayan daka suka sauka a Tashar Lekki, sun kai kaso 40.  A cewarsa, an samu hakan ne, saboda karin gudanar da ayyukan matatar Mai ta dangote, gannin yadda ta samar da sama da kaso 76, musaman saboda rage cunkoson Jiragen Ruwan da ke sauka a Tashar.  Ya kara da cewa, an samu karin fitar da Iskar Gas samfarin LNG da Matatar ta dangote ta yi  daga Tashar Onne, wanda ya kai 22.7, wanda wannan ya hada da wanda aka fitar, daga Tashoshin Kalaba da Riba, da ya kai kaso hudu.  dantsoho ya kuma sanar da cewa, shigar da Kwantaina ya karu daga kaso 10.3 zuwa kaso 815,236 wanda hakan ya nuna cewa, sun haura na daga 739,142 da aka yi a rabin shekarar 2025.  Ya ce, kayan da aka shigo da su ta hanyar TEU, sun kai 546,755 wanda hakan ke nuna cewa, an samu kason da ya kai 67, na yawan jimlar Kwantainar da aka shigo da su  dantsho ya kara da cewa, Kwantaina da aka fitar ta hanyar TEU kuwa, sun kai 203,980 wanda hakan ya nuna cewa, sun kai kaso 25.  A cewarsa, ta hanyar ta TEU hada-hadar shiga da fitar da kaya, sun karu daga kaso 169.5 zuwa kaso 35,574, wanda hakan ya kai kaso hudu, na yawan jimlar Kwantaina da aka aka yi.  Ya sanar da cewa, manayan ababen hawa da aka yi jigilarsu, sun yi matukar karuwa, daga kaso 42.5103,375 zuwa kaso 72,568 a 2025.  Shugaban ya danganta wannan karin, musamman saboda yawan ayyukan hada-hadar shige da ficen a Tashoshin kasar da kuma wanda kamfanin PTML ya gudanar a Tashar Tin Can. ...

Tun Ina Karama Marigayi Tumbuleke Ke Sa Ni Dariya —Hannatu Musawa

NPA Ta Bayyana Cewa Kirkiro Da Sabuwar Hukumar NPERA Ba Zai Zame Mata Tarnaki Ba

Yadda Bikin Girke-girke Ya Karfafa Alaka Tsakanin Musulmai Da Kiristoci A Kaduna

Nazari Kan Wasu Dalilan Da Ke Haddasa Sabanin Abotakar Jarumi Ko Jaruma A Kannywood

NPA Ta Tabbatar Da Maido Da Mayan Kayan Aikin Hukumar Wuta Ta Neja Delta —Babbar Manaja