An gudanar da dandalin tattaunawa na jama’a na WTO na 2026 na kwanaki uku a birnin Geneva na Switzerland. A...

 A yau Asabar, kakakin ma'aikatar kasuwanci ta kasar Sin ya amsa tambayoyin da wasu kafofin yada labarai suka yi, dangane da muhawarar bangarorin Sin da Amurka a fannin tattalin arziki da cinikayya.   A cewar kakakin, bisa tattaunawar da bangarorin Sin da Amurka suka yi, Mista He Lifeng, mataimakin firaministan kasar Sin, zai jagoranci wata tawaga wajen gudanar da shawarwari tare da bangaren kasar Amurka, kan batutuwa masu nasaba da tattalin arziki da cinikayya, tsakanin yau 19 da 23 ga wata, a kasar Amurka. Kakakin ya kara da cewa, bangarorin Sin da Amurka za su yi muhawara bisa tushen matsaya daya da shugabannin kasashen biyu suka cimma a baya.  Ban da haka, a kwanan baya, wasu kafofin yada labaru sun ba da labarin cewa, kungiyar kasashen Turai ta EU na fatan cewa kasar Sin za ta takaita fitar da motoci kirar kasar masu amfani da mabambantan makamashi zuwa kasashen Turai, sa'an nan idan kasar Sin ta ki daukar wannan mataki, to, za ta iya fuskantar karin harajin fito. Dangane da lamarin, kakakin ma'aikatar kasuwanci ta kasar Sin ya ce, wannan mataki na takaita fitar da kaya ya zama karya ka'idojin kungiyar ciniki ta duniya WTO, wanda kuma bai dace da al'adar kasuwanci, da ka'idar yin takara cikin adalci ba. Saboda haka kasar Sin ba za ta amince da shi ba.   Jami'in na kasar Sin ya kara da cewa, bangaren Sin bai taba sauya matsayinsa ba, wanda shi ne, dole a tabbatar da daidaiton moriyar kowa, da bin ka'idojin kungiyar WTO da dokokin kasashe daban daban, da kokarin kare moriyar kamfanonin Sin da na kasashen Turai, yayin da ake tsara dabarar daidaita sabanin ra'ayi tsakanin kasar Sin da kungiyar EU. (Bello Wang) 

A kwanan baya, shugaban majalisar dokokin kasar Angola, Mista Adao Almeida, ya yi ziyarar aiki a kasar Sin. Yayin da yake hira da wakilin kafar CMG, Mista Almeida ya ce, kasar Sin tana da shugaba mai hangen nesa, wanda yake kulawa da al'ummar kasar cikin tsanake. A cewar Almeida, shugaba Xi Jinping na kasar Sin yana da wasu halaye na musamman, kamar dora matukar muhimmanci kan ci gaban tattalin arziki, da fahimtar ainihin kalubalolin da kasar Sin da sauran kasashe daban daban suke fuskanta, da kokarin neman bakin zaren warware matsalolin.  A lokacin da ya ambaci shawarwari guda 4 da shugaba Xi ya gabatar a kokarin daidaita al'amuran duniya, Mista Almeida ya ce, wadannan shawarwari suna da amfani ga yunkurin kafa tsarin kasancewar bangarori masu fada-a-ji da yawa a duniya, ta yadda za a samar da wani dandali na tattaunawa tsakanin kasashe daban daban, don tsara wasu ka'idoji na bai daya da za su biya bukatun daidaita al'amura, da ba da damar kara dora muhimmanci kan hadin kan al'ummun sassan duniya, maimakon kebabbun kasashe marasa alaka a tsakaninsu.  Kana Mista Almeida ya bayyana kasar Sin a matsayin wata babbar kasa, wadda ke taka rawar gani a fannin zamanantar da al'umma, da sauya tsarin masana'antu zuwa na dijital. A cewarsa, dalilin da ya sa kasar Sin samun nasara a fannin raya kasa, shi ne tsarinta na siyasa mai inganci, da cikakken tunanin da ake da shi a fannin raya kasa, da yadda ake aiwatar da manufofi yadda ake bukata. Ban da haka, ingantaccen tsarin kasar na sanya ido kan harkoki daban daban, shi ma ya samar da gudunmowa sosai.  Har ila yau, Mista Almeida ya ambaci hadin gwiwar da ake yi tsakanin kasashen Sin da Angola ta fuskar tattalin arziki. Ya ce akwai daruruwan kamfanonin kasar Sin da suke aiwatar da harkokinsu a kasar Angola, wadanda suka zuba jari, gami da kafa rassa a kasar. Kana wasu daga cikinsu sun kwashe shekaru da dama suna kokarin raya harkokinsu a kasar Angola. Ban da haka, dimbin kamfanonin kasar Sin na taimaka wa kasar Angola a yunkurinta na raya sassa daban daban na tsarin tattalin arziki. (Bello Wang) 

Dangane da batun mayar wa kasar Sin da kayan tarihi da Amurka ta yi, mai magana da yawun ma'aikatar harkokin...

Mai magana da yawun ma'aikatar harkokin wajen kasar Sin, Guo Jiakun, ya bayyana a wani taron manema labarai na yau...

Alkaluman da ma’aikatar kasuwanci ta kasar Sin ta samar sun shaida cewa, daga watan Janairu zuwa Agusta na wannan shekara,...

Bisa kididdigar da hukumar aike da sakwanni ta kasar Sin ta bayar, an ce, sana’ar aike da sakwanni a Sin, ta ci gaba da bunkasa cikin kwanciyar hankali daga watan Janairu zuwa watan Agustan bana. Masana’antar na mai da hankali kan bukatun kasuwa na jigilar kayan gwari da kayayyakin gona da abincin teku na musamman, kuma tana ci gaba da inganta ayyukan jigilar kayayyaki.  Sabbin alkaluman da hukumar ta fitar sun nuna cewa, daga watan Janairu zuwa watan Agustan bana, jimillar ayyukan jigilar kayayyaki ta kai biliyan 145.46, wadda ta karu da kashi 4.0% idan an kwatanta da shekarar da ta gabata, kuma kudaden shiga a wannan bangare (ba tare da kudaden shiga dake shafar kudin ajiya a bankin tura sakonni na Postal Savings ba) ya kai Yuan triliyan 1.23045, wanda ya karu da kashi 6.0% idan an kwatanta da shekarar da ta gabata, kuma sana’ar gaba daya na ci gaba da habaka cikin kwanciyar hankali. (Amina Xu)  Sana’ar Aike Da Sakwanni a Sin Ta Ci Gaba Da Bunkasa Cikin Kwanciyar HankaliBisa kididdigar da hukumar aike...

A yau Juma’a 18 ga wata, kakakin ma’aikatar harkokin wajen kasar Sin, Guo Jiakun ya jagoranci taron manema labarai da...

Kwamitin kare hakkin dan adam na MDD na gudanar da taro na 63 a Geneva. Kwanan nan, wakilin Sin ya yi kira a yayin taron da a kara mai da hankali a fannin tattalin arziki, zamantakewa da al’adu. Wannan kira ya shafi ainihin bukatun kasashen Afirka, abin da al’ummar Afirka ke mai da hankali a gaban kome shi ne, ko za a iya fita daga talauci, ko za a iya samun ci gaba, ko za a iya wadata, har ma ko za a iya rayuwa? A ganinsu, hakkin dan adam ba wata alama ta siyasa ba ce kawai.  Kwamitin kare hakkin dan adam yana da tsare-tsare guda 13 na musamman mai bincike kan kasa da kasa, dukkansu suna mai da muhimmanci kan kasashe masu tasowa, suna kashe miliyoyin daloli, amma ba su mayar da hankali sosai kan matsalolin hakkin dan adam da suke fi bukatar kulawa ba. Yayin da ’yan siyasar kasashen yamma ke yada jita-jita da labaran karya da nuna fuska ta biyu, a wani bangare kuwa yankin gabashin Jamhuriyar Dimokaradiyyar Kango na fuskantar bala’in jin kai sakamakon rikicin makamai, kuma sama da mutane miliyan 30 a Sudan na bukatar taimakon jin kai. Wasu kasashe suna sha’awar mayar da kwamitin kare hakkin dan adam fagen takara a bangare siyasa, yayin da kasashe masu tasowa da dama, musamman kasashen Afirka, ke fuskantar karancin ci gaba da matsalolin rayuwar al’umma, amma ana barin su a gefe.  A daya bangaren kuma, ayyukan Sin wajen tabbatar da hakkin tattalin arziki, zamantakewa da al’adu na da amfani mai ma’ana ga Afirka. Sin ta kammala aikin kawar da talauci a kan lokaci, mutane miliyan 98.99 na karkara dake cikin talauci duk sun fito daga kangin talauci, kuma gundumomi 832 masu fama da talauci ma dukkansu sun kawar da kangin talauci. Sama da mutane biliyan 1.3 a Sin suna cikin tsarin inshorar lafiya mai tushe, kuma adadin masu shiga ya tsaya tsayin daka sama da kashi 95%. Nasarorin da Sin ke samu wajen kare hakkin dan adam marawa Sin bayan wajen shiga harkokin kula da hakkin dan adam na duniya, kuma irin wannan dabara abin da Afirka ta fi bukata ke nan.  Hadin gwiwar Sin da Afirka na ci gaba da bin ka’idar “Guntun gatarinka ya fi sari ka ba ni” don taimakawa Afirka ta kara bunkasa ci gaban kanta, kuma wannan shi ne mataki mafi amfani wajen tabbatar da hakkin tattalin arziki, zamantakewa da al’adu.  A fannin tabbatar da isashen abinci, Sin na yada fasahar shinkafa mai sauri a kasashen Zimbabwe da Chadi. A lardin Mashonaland ta Yamma na Zimbabwe, kwararrun Sin sun kafa “gidan renon kaji”. A kauyen Medken na Chadi, gonar misali ta samar da shinkafa ton 10.03 a kowace hekta, wanda ya kai kusan ninki 3 na matsakaicin yawan amfanin gona na yankin.  A fannin kiwo lafiya kuwa, cikin fiye da shekaru 60 da suka gabata, tawagar likitocin Sin dake taimakawa Afirka sun tura kusan ma’aikata 26,000 zuwa kasashen Afirka 48, suna jinyar marasa lafiya miliyan 230. A shekarar 2026, lokacin da annobar Ebola ta barke a Jamhuriyar Dimokaradiyyar Kango, Sin ta tura tawagogin kwararrun likitocin yaki da annobar sau 3 a jere.  A yayin taro na 63 na kwamitin kare hakkin dan adam, wakilin Sin ya yi kira da a kara mai da hankali a fannin tattalin arziki, zamantakewa da al’adu. Wannan shi ne abin da Sin ke yi a cikin gida da kuma a nahiyar Afirka. Yayin da wasu kasashe ke daukar hakkin dan adam a matsayin makamin siyasa na tsoma baki cikin harkokin cikin gida na wasu kasashe, Sin tana kokarin tura kayan aikin noma na zamani, iri da magunguna da fasaha zuwa kasashen Afirka, don taimaka musu wajen kawar da talauci da samun ci gaba da wadata. Wane ya dauki ainihin matakan tabbatar da hakkin dan adam? Al’ummar Afirka za su iya ganewa idanunsu da kansu. (Marubuciya: MINA) 

Shugaban hukumar ba da taimakon fasaha da kwararru ta Najeriya NTAC General Yusuf Buba Yakub, ya bayyana cewa, Najeriya na daukar darasi daga kyakkwar alakar diflomasiyya da jan hankali da kasar Sin ke amfani da shi, a kokarin da kasar ke yi na karfafa tasirinta a duniya, da karfafa hadin gwiwar kasashe masu tasowa, ta hanyar aikewa da taimakon kwararun ma’aikata zuwa kasashe.  Yakubu ya bayyana haka ne a wani taron manema labarai a Abuja, babban birnin kasar, inda ya ba da misali da salon da Sin ke amfani da shi na hulda da kasashen waje, domin gina doguwar alaka ta hanyar hadin gwiwa.  Tun bayan kirkirar hukumar NTAC a shekarar 1987, ta tura ’yan Najeriya kwararru ’yan sa-kai sama da 10,000 zuwa kasashe sama da 40 a daukacin nahiyar Africa da yankin Caribbean da tsibiran Pacific, inda kwararrun suka bayar da gudummawa a fannoni da dama, da suka hada da fannin ilmi, magunguna, shari’a, injiniya, noma da kuma fasaha. (Mai Fassara: Suleiman Suleiman)