Jarumin fina-finan Hausa na Kannywood, Dan Azumi Baba wanda aka fi sani da Kamaye a cikin shiri mai dogon zango na Dadin Kowa da gidan talabijin na Arewa 24 ke haskawa.
Ya bayyana cewar wani dalili ne yasa a yanzu ya fara fitowa a cikin shirye shiryen Kannywood wanda da can bai taba tunanin hakan ba.
- Ba Mu Soke Lasisin ‘Yan Kannywood Domin Musguna Wa Wasu Ba – Al-Mustapha
- Ina Fatan Fim Ya Yi Sanadiyyar Shiga Ta Gidan Aljanna – Sadiq Sani Sadiq
Kamaye kamar yada aka fi saninshi ya bayyana haka ne a cikin wata fira da yayi da jarumar Kannywood Hadiza Aliyu Gabon a cikin shirinta na Gabon Room Show.
Inda ya kara da cewar duk da sune suka fara kafa masana’antar ta Kannywood amma a wancan lokacin yafi mayar da hankalinsa bangaren bada umarni da kuma rubuta labarin fim.
Tun farko mune muka fara kirkiro Kannywood wadda a wancan lokacin muke kira da Film Makers kafin ta zama Kannywood, a wancan lokacin ina ba da umarni ina kuma rubuta labarin fim inji Kamaye.
Da aka tambaye shi ko akwai wata alaka ta soyayya tsakaninsa da abokiyar sana’arsa wato Adama ta Dadin Kowa,Dan Azumi ya ce babu wata alaka ta soyayyar aure tsakaninsa da Adama kawai dai aiki ya hadasu.
