Shugaban Jam’iyyar APC na Ƙasa, Sanata Abdullahi Adamu (Turakin Keffi), ya yi wa Nijeriya addu’ar samun dauwamammen zaman lafiya da kwanciyar hankali.
Hakan na ƙunshe ne cikin sanarwar da ya fitar don taya al’ummar Musulmi murnar bikin Babbar Sallah ta bana (1443/2022).
Adamu ya miƙa saƙon goron sallar ne a madadin jam’iyyarsa ta APC da ke mulki da kuma ahalinsa.
“Babbar addu’ar da nake yi Allah ya ba mu ikon shaida bukukuwan Sallah masu yawa kuma cikin ƙoshin lafiya.
“Ya Allah, gare ka kaɗai muka dogara don dawowar zaman lafiya a ƙasarmu, Allah ka share hawayen waɗanda matsalolin tsaro suka rutsa da su kana Ya sake haɗa su da ‘yan uwansu,” in ji shugaban na APC Adamu.
