Ta hanyar amfani da abubuwa guda 10 ga su kamar haka:
A nemi wadannan abubuwa da zan Lissafo su guda 10 wadanda duka ba za su yi wahalar samowa ba ga su kamar Haka:
1. Asamu asalin Ganyen Zaitun a daka shi ya dawo gari sosai, a kalla ana son cikin babban cokali uku 2. Tsohuwar Tsamiya ba danyar ba, in an ce tsohuwar tsamiya ita ce wacce za ka ga ta yi Brown ko ja kuma tana da danko sosai ita ce tsohuwar tsamiya guda bakwai 3. Jan Gauta wanda ya bushe kuma wanda bai Dagargaje ba guda 7 4. Lemon tsami guda 7 shi ma mai kyau ba busashshe ba.
5. Garin Sanamaki/Fulasko ana samunsa a shagon sai da magani na Islamic, A kalla ya kai kimanin cokali uku 3 babba.
6. Tafarnuwa mekyau kwallo uku, kuma a bare busashshen bawonta a yayyanka ta kanana-kanana. 7. Albasa fara babba mai kyau guda daya babba
7. Dabino Mai kyau a kalla guda 20 a bare su a cire kwallon, a kuma cire dattin ciki har wannan Leda-ledar farin a cire shi. 9. Ganyen Zogale busashshe, kuma garin a kalla ya kai cikin cokali uku babba. 10. Zobo, Zobo dai da aka sani wanda ake jikawa ya yi ja a sa sukari a sha shi nake nufi, a daka garinsa shima a kalla ya kai cikin babban cokalin uku
Sai a nemi ruwa mai kyau a kalla ya kai kimanin Litre biyu, ko uku, Sai a juye wadannan abubuwan da aka lissafo guda 10 din a cikin wani abu mai dan girma wanda zai dauke su, sai a barshi sai ya kwana tukunna a ciki sannan sai a juye a tukunya a dafa su, su tafasa sai a tace a zuba shi a cikin wani abu mai kyau wanda ba zai lalata shi ba, sai a dinga sha bayan an ci abinci kullum sau biyu a yini
Ana son in aka ci abinci aka sha a tsaye sai a zauna a bubbude kafafuwa a saki jiki ana Numfashi ta yadda mara da ciki za su sakata su wala maganin ya ratsa su sosai tsawon mintuna goma sai a ci gaba da harkokin da aka saba, da yamma ma a kara yin haka, in ana Azumi ne kuma ana sha lokacin Sahur da lokacin buda baki ana daukar kwana bakwai ne a cikin kowanne wata ana yi.
In sha Allahu dukkan Dattin dake cikin Mara ko ciki ko tsutsar ciki, wannan Maganin zai wanko su gabadaya, zai dinga Pitar da su, sai dai idan Mutum yana da Olsa ana son in ya sha sai ya kara da ruwan sanyi in sha Allahu Olsa din ba za ta tashi ba.
Wannan maganin ba iya dattin ciki da mara kadai yake magancewa ba, yana wanko har dattin da kan zama barazana ga huhu ko hanta ko koda, sannan yana wanko mahaifa ga mata kuma yana wanke jijiyoyi, mace me ciki za ta iya amfani da shi matsala in sha Allahu, kuma ana iya ba wa yara kanana amma yadda za su sha daidai yadda zai dauki cikinsu ne, ya danganta da shekaru ko girman yaron, mata za su fi ni fahimtar me nake nufi a nan,
Idan namiji ko mace babba ko zai sha cikin karamin kofi to wanda bai girma ba in dai yana iya cin abinci zai sha rabin karamin kofi kenan, amma in yaro bai fara cin abinci ba, ba a bashi, domin ana sha ne bayan an ci abinci an koshi. Allah ya sa mu dace.
