A yayin da rikici ke ci gaba sa kamari a jam’iyyar PDP, gwamna Nyesom Wike na Jihar Ribas da wasu gwamnoni hudu na jam’iyyar sun gudanar da wani taron sirri a Jihar Enugu a yau Juma’a.
Gwamnonin da suka halarci taron sun hada da Seyi Makinde na Jihar Oyo, gwamnan Jihar Enugu, Ifeanyi Ugwuanyi, Samuel Ortom na Jihar Benuwe da Okezie Ikpeazu na Jihar Abia.
- 2023: Kotu Ta Hana ‘Yan Takarar Majalisar APC 16 Yin Takara A Ribas
- Wakilin Sin Ya Bukaci A Kara Kokarin Taimakawa Kasashen Afirka Yakar Ta’addanci
Gwamna Ugwuanyi ne ya tarbe su a filin jirgin sama na Akanu Ibiam da ke Enugu, inda dukkansu suka tafi gidan gwamnatin jihar domin yin taron.
Har zuwa lokacin hada wannan rahoto, gwamnonin ba su fitar da wata sanarwa ba amma majiyarmu a taron ta ce suna tunanin makomarsu a siyasa ne.
“Kun san gwamnonin G-5 ba su ji dadin yadda Atiku ya yi watsi da su ba, don haka suna neman mafita kafin daukar matakin da ya kamace su,” in ji majiyar.
