Rundunar ‘yansandan Jihar Nasarawa ta ce ta kama wata Khadija Aliyu da ake zargi da satar wata yarinya ‘yar kwanaki bakwai a wajen bikin suna a unguwar Keffi da ke jihar.
Wannan dai na zuwa ne a daidai lokacin da rundunar ta kuma kama wani tsohon mai laifin satar babura mai suna Hussaini Mohammed da laifin satar babura a yankin.
- NPA Ta Samar Da Sabon Tsari Don Bunksa Tasoshin Jiragen Ruwan Nijeriya
- Da Gangan Aka Rikirkita Tsarin Zaben Nijeriya Domin A Samu Damar Yin Magudi – Sanata Ndume
PUNCH Metro ta ruwaito cewa, a cikin wata sanarwa da jami’in hulda da jama’a na rundunar, Rahman Nansel, ya fitar, cewa an kama wanda ake zargin ne da misalin karfe 6:30 na yamma.
Nansel ta ce wacce ake zargin ta yi kamar tana da ciki, kuma a yayin da ake ci gaba da bikin, ta kutsa cikin gidan ta sace jaririyar da ke kwance tana barci.
An ce ta dauki jaririn ne a bayanta, sannan ta lullube ta da mayafi, sannan ta tsere kafin jami’an ‘yansanda su gano ta.
Ya ce, “Da misalin karfe 6:30 na safe jami’an ‘yansanda da ke aiki a sashen Keffi sun kama wata Khadija Aliyu da ta sace wata yarinya ‘yar kwanaki bakwai a wajen bikin suna a Garin Keffi.
“Wacce ake zargin, wacce ta dade tana ikirarin tana dauke da juna biyu, ta halarci bikin suna a ofishin INEC na Keffi.
“A yayin da al’amarin ke ci gaba da faruwa, sai ta kutsa cikin gidan, ta sace jaririyar da aka kwantar tana barci, ta dauke ta a bayanta, ta lullube ta da mayafi, sannan ta tsere kafin daga bisani a kama ta.”
