Asirin Namiji Mai Zamba Da Shigar Mata Ya Tonu

Asirin wani mutum da ke zaune a jihar Adamawa mai suna Muhammed Abubakar da ke shigar mata, yana samun kudi a wajen mazaje, ya tonu.

Muhammed, ya yi karatun boko, har ya mallaki takardar shaidar difiloma a fannin kasuwanci daga Adamawa Fole da ke garin Yola.

• Yadda Qatar Ta Zo Da Sabon Salo Na Ba-zata A Gasar Cin Kofin Duniya
• Nnamdi Kanu Ya Maka Gwamnatin Tarayya A Kotun Koli 

Muhammed, yana zaune a Tashan Sani da ke karamar hukumar Yola ta Kudu, zamba da cewa sunansa Fadi, bayan shigarsa hannu,ya tabbatarwa da wata babbar kotun majistire da ke Girei, cewa, yana da kawaye mata.

Lokacin da ‘yansanda suka gurfanar da shi gaban kuliya, ya amsa laifin da ake zarginsa da shi, na cewa, yana hulda da mata da yake hada su da maza, wanda kuma ake ba shi naira 500 zuwa naira 1, 500 zuwa fiye da haka, yakan yi shigar burtu irin ta mata, don ya jawo hankalin masu neman matan, da zarar an fara magana sai ya yi kokarin cewa, zai hada ka da wata kawarsa, in mutum ya amince, sai ya kai shi ya hada su, shi kuma ya karbi nasa a wajen matar.

Bayan kama shi a kan wannan laifin na yaudara da shigar mata an gurfanar da shi gaban kotu. Mai gabatar da kara Insifeto Wamkai, ya ce,za a tuhume shi a karkashin sashi na 351 na dokokin da suka shafi aikata laifuka. Domin yi masa hukuncin da ya dace da laifin da ya aikata.