Shekara 80 da suka gabata a makamanciyar wannan rana, an rattaba hannu kan Yarjejeniya ta Majalisar Dinkin Duniya (MDD) a San Francisco, inda aka sauya tsari na yaki da duniya ta fuskanta shekaru da dama zuwa samar da kyakkyawar makoma. Tsawon shekaru 80, MDD ta tsaya a matsayin mai bayyana fatanmu na hadin gwiwar kasa da kasa, mai bayyana ma’anar burinmu na kawo karshen “cutarwa a yaki.” A cikin wannan duniyar da ke cike da son zuciya, wannan muhimmin mataki ne da ya dace a dauka.
MDD ta kasance kungiya daya tilo da bata da tamka, kuma ita kadai ce ta dawwama. Wannan tsayin daka yana da ban mamaki idan muka yi la’akari da yanayin kafuwarta.
- An Sauya Sunan Makarantar Wasanni Don Girmama Ƴan Kano Da Suka Yi Hatsari
- Gwamna Yusuf Ya Jagoranci Tawagar Kano Zuwa Jana’izar Marigayi Aminu Dantata A Madina
Babu wata kungiya da za a ce ba ta da aibi. Amma domin a bayyana kokarin Sakatare-Janar dinta na biyu, Dag Hammarskjöld: An kafa MDD ba don daukaka dan’Adam ba sai don cetonmu daga mawuyacin hali, kuma ba za ta gaza a kan wannan manufa ba.
Muna sane da wuraren da ake yaki masu taba zuciya: Gaza, Sudan, Ukraine da sauran wurare. Rikicin baya-bayan nan tsakanin Iran da Isra’ila, wani abin tunatarwa ne ga raunin zaman lafiya musamman a yankin Gabas ta Tsakiya mai fama da tashe-tashen hankula.
Duk da haka, a cikin wannan tashin hankali, mun yi nasarar dakile yakin duniya na uku. A wannan zamani na nukiliya, wannan nasara ce da ba za mu taba dauka da wasa ba. Ita ce wacce ta kamata mu kiyaye da karfin kokarinmu.
A cikin shekaru 80 da suka gabata, yawancin ci gaban dan’Adam shi ma yana da tasiri a MDD kai tsaye. Yi la’akari da nasarar da aka samu ta ci gaban karni, wanda kasashe mambobi 189 suka karba a cikin kasashe 2000 da kari.
Fiye da kungiyoyin kasa da kasa 20 ne suka ba duniya taswirar hanya daya domin daukar mataki.
A 2015, idan aka kwatanta da 1990, matsanancin talauci ya ragu sama da rabi. Mutuwar yara ta ragu da kusan kashi 50 cikin dari. Kuma miliyoyin yara musamman ‘yan matan da ake dannewa hakki sun shiga makaranta a karon farko.
Akwai wani muhimmin labarin ci gaba, wanda ba a mantawa da shi, shi ne wargaza daula. Shekaru 80 da suka gabata, mulkin mallaka ya yi shuhura a duniya. A yau, fiye da 80 da aka yi musu mulkin mallaka a fadin Asiya, Afirka, Caribbean, da Pacific sun sami ‘yancin kai kuma sun shiga MDD. Wannan canji da wannan Kungiya ta goyi baya kuma ta halalta shi ya sake fasalin tsarin duniya.
Shiga Tsakani domin samar da ci gaba
Duniya ta canza sosai tun daga 1945. A yau, kungiyar na fuskantar matsalar karancin kudi. Duk da alkawalin da aka yi na 2030 don samar da ci gaba mai dorewa, ci gaban kuma bai daidaita ba. Daidaiton jinsi ya kubuce mana. Alkawarin da muka yi na takaita hauhawar dumamar duniya da kare duniyarmu ya karanta.
Wadannan koma baya ba sun haifar da raguwar buri amma su ne manyan kudurorinmu. Majalisar Dinkin Duniya na nuna kimarta a lokutan rikici. Wadanda suka kafa ta sun shaida dan’Adam a matsayin mafi barna kuma ba su yanke kauna ba, saboda karfin hali. Dole ne mu zayyana wadannan nasarori.
Yayin da muke bikin wannan zagayowa, dole ne mu sake farfado da kiran hadin kai da aka yi daga San Francisco shekaru 80 da suka gabata.
Mun gina tsarin duniya farat daya, domin rushe tsarin yaki. Mun yi hakan ne da hangen nesa cikin gaggawa. Yanzu kuma, mun sami kanmu a lokacin sakamako. Hadarin yana da yawa. Haka zalika kuma karfinmu na yin aiki na da yawa.
