Gwamnatin Tarayya Ta Bayar Da Umarnin Rufe Gadar Madatsar Ruwa Ta Tiga Dam Da Ke Kano

Ministan Albarkatun Ruwa, Alhaji Suleiman Adamu, ya yi kira da a rufe Gadar Sarkin Kogi da ke Tiga a karamar Hukumar Bebeji a Jihar Kano domin kiyaye lafiyar masu ababen hawa da masu tafiya a kasa.

Adamu ya yi wannan kiran ne a yayin ziyarar aikin kula da madatsar ruwa ta Dam din Tiga da Bagauda tare da Gwamna Abdullahi Ganduje na jihar Kano.

• Ambaliyar Ruwa: Majalisar Kano Ta Nemi Taimakon Gwamnatin Tarayya

Hakan na kunshe ne cikin wata sanarwa da babban sakataren yada labarai na mataimakin gwamna, Hassan Fagge ya fitar a ranar Laraba a Kano.

Ministan ya bayyana cewa madatsun ruwan biyu na aiki yadda ya kamata sabanin jita-jitar da ake yadawa.

Ya umurci hukumar kula da rafin Hadejia-Jama’are da ta ci gaba da kula da sauyin ruwan na yau da kullum.

Gwamna Ganduje wanda ya samu wakilcin mataimakinsa, Alhaji Nasiru Gawuna, ya bada tabbacin aniyar gwamnati na tabbatar da tsaron rayuka da dukiyoyin al’ummarta.

Sulaiman

+ postsBio

• Sulaiman

  Pew: Sin Ta fi Amurka Samun Amincewar Al’ummun Duniya
• Sulaiman

  Sin Ta Fitar Da Tsarin Sanya Ido Don Inganta Muhalli Da Muhallin Halittu Na Shekarar 2026 Zuwa 2030
• Sulaiman

  Nazari Game Da Damammakin Da Sin Ta Samar Cikin Rahoton Ci Gaban Tattalin Arzikinta Na Rabin Farkon Shekara
• Sulaiman

  Gwamna Bala Ya Rushe Kwamitin Gudanarwar Wikki Tourists Bayan Rashin Nasararta A Gasar NPFL