Hukumar gudanarwar kungiyar kwallon kafa ta Enyimba International ta nada tsohon dan wasan Arsenal da Nijeriya Nwankwo Kanu a matsayin shugaban kungiyar kwallon kafar ta Enyimba.
Gwamnan Jihar Abia Aled Otti ne ya sanar da nadin kuma Kanu ya karbi ragamar jagorancin daga Felid Anyansi-Agwu, wanda ya jagoranci kungiyar na tsawon shekaru 24 a lokacin da kungiyar ta lashe lambobin yabo da dama, ciki har da lashe gasar cin kofin CAF sau biyu. Tsohon abokin wasan Kanu na Super Eagles, Finidi George ne ya horas da kungiyar inda ya zama zakara a gasar lig na tara a bara da kuma samun
gurbin shiga gasar cin kofin zakarun nahiyar Afrika ta CAF a kakar wasa mai zuwa.
Haka kuma an nada John Sam Obuh, wanda a kwanakin baya yana aiki da kungiyar Roma Academy da ke Abuja, a matsayin shugaban wata kungiyar kwallon kafa ta Nijeriya, Abia Warriors.
