A lokacin da aka bude shafin sayar da tikitin zuwa kallon gasar cin kofin duniya, mutane da dama sun ga ana sayar da tikitin kallon wasan karshe kan Dala 10,990. Ana kyautata zaton cewa shi ne tikitin kallon kwallon kafa mafi tsada kuma a lokacin da aka bai wa Amurka da Canada da kuma Medico damar karbar bakuncin gasar, sun ce tikitin kallon wasan karshe ba zai haura Dala 1,550 ba.
Lokacin da aka fara sayar da tikiti ga magoya bayan tawagogin wadannan kasashe a watan Dismaba, tikitin da ya fi tsada shi ne wanda kudinsa ya kai Dala dubu 8,680. Farashi ya sake yin sama a ranar Laraba lokacin da aka fara sayar da tikitin kallon wasan karshe.
An sayar da tikitin wasan karshe na gasar Kofin Duniya a Katar a 2022 kan Dala 1,604. Abu ne mai wuya a gano abin da ya janyo tikitin ya yi tsadar gaske saboda FIFA ba ta taba fitar da yadda take tsara farashin tikiti ba. A karshen shekarar da ta gabata an kwatanta farashin tikiti da aka fitar a matsayin “cin amana mai girma”.
A watan Disamba, FIFA ta sanar da wasu tikiti da ake sayar wa kan Dala 60.
Sannan yana da matukar wahala a iya gane yadda tsarin saka farashin tikitin yake saboda babu bayanai da suka kamata. Yin duba kan shafin sayar da tikiti na FIFA da kuma ganin abubuwan da suka rage da kuma abin da ake caza yana nuna abu mai kyau. Sai dai, hakan ba yana nufin cewa akwai tikiti masu tsada ba, ko kuma idan akwai masu rahusa wadanda za a iya saya.
Daga abin da aka lura, tikitin wasan karshe na gasar Kofin Duniya ya karu da kashi 38 lokacin da aka fara sayar da shi, ba kamar lokacin da aka fitar da shi a watan Disamba ba. Baya ga tikitin mataki na farko da ake sayarwa kan Dala 10,990. Tikitin mataki na biyu kuma ya karu da kashi 32.78 daga Dala 5,575 zuwa Dala 7,380. Tikitin mataki na uku kuma ya karu da kashi 38.23 daga Dala 4,185 zuwa Dala 5,785.
Har ila yau, Fifa ba ta ba da sanarwa kan wasanni ba, ko kuma a farashi nawa za a sayar da su “lokacin da aka bude” sayar da tikiti. Wadanda suka ziyarci shafin sun lura da cewa an fi neman sayan tikitin manyan wasanni – ciki har da na manyan tawagogi da kuma na wasannin zagaye na falan daya da na kusa da na karshe.
Fifa ta sake bude shafin sayar da tikiti ranar Alhamis, kuma kamar yadda aka yi tsammani an samu karin farashi a tikitin wasannin da za a yi a Amurka da Canada. Dokokin Medico sun hana sake sayar da tikiti fiye da kima kuma duk wanda ya sayi tikiti zai iya sayar da shi kan farashi da yake so. Farashin tikitin da ya fi tsada shi ne na wasan karshe wanda ya kai Dala 82,780, inda mai karamin kudi ya kasance kan Dala 27,000.
Farashin tikitin wasan Ingila na farko da Croatia, wanda yake kan Dala 60, ya kai Dala 1,499 a shafin. Fifa na cazar dukkan masu saya da sayarwa da kashi 15.
Yadda FIFA ta gudanar da tsarin sayar da tikitin ya haifar da rudani da cece-kuce. Rashin tsari kan farashi da karancin bayanai, sun janyo wahala ga magoya baya wajen shirya wa gasar ta kofin duniya.
Discussion about this post