NNPCL Ta Fitar Da Farashin Yadda Kowacce Jiha Zata Sayi Man Matatar Dangote

Kamfanin Man Fetur na ƙasa NNPCL ya sanar da farashin man fetur da za a samu daga Matatar Dangote a watan Satumba 2024, inda farashin zai iya haura N1,000 kowace lita a wasu yankunan ƙasar nan.

Bisa ga bayanan da aka fitar, farashin zai bambanta daga wuri zuwa wuri: a Lagos zai kasance N950 kowace lita, Sokoto N992, Oyo N960, Kano da Kaduna N999, FCT N992, Rivers N980, yayin da a Borno farashin zai kai N1,019 kowace lita, wanda shi ne mafi tsada.

• Dangote Ya Ceto Nijeriya Daga Durƙushewa – Otedola
• Matatar Dangote Ta Musanta Iƙirarin NNPC

NNPCL ta bayyana cewa bisa ga dokar PIA, gwamnati ba za ta ƙara daidaita farashin man fetur ba, sai dai an bar shi ne ga kasuwa ta yi alƙalanci. Haka kuma kamfanin ya tabbatar da cewa an biyan kuɗin man fetur da za a ɗiba daga Matatar Dangote a watan Satumba da kuɗin Amurka dala ($), amma daga ranar 1 ga Oktoba, 2024, za a fara amfani da Naira a duk ma’amalolin ciki.

Abubakar Sulaiman

Website |  + postsBio

• Abubakar Sulaiman

  Direba Ya Hallaka Ɗalibar Jami’ar Kiwon Lafiya Ta Azare, Ya Gudu
• Abubakar Sulaiman

  Mata Manoma Sun Gina Gada, Rijiyar Burtsatse A Danbare, Kano
• Abubakar Sulaiman

  An Ceto Wasu Mutane Huɗu Da Aka Sace A Kogi
• Abubakar Sulaiman

  Gbajabiamila Ya Maka Daraktan Bogi Na PFIPC Kotu, Ya Nemi Diyyar Biliyan 15