Duk da rage farashin Man Fetur da Matatar Mai ta Ɗangote ta yi, har yanzu, dilalan Man a ƙasar nan, sun yi ƙememen rage farashin Man da suke sayarwa, masu ababen hawa, inda suke sayar da shi, kan tsohon farashi.
Matatar ta Ɗangote dai, ta rage farashin Man samfarin PMS, zuwa kan Naira 75, na kowacce Lita ɗaya, saɓanin yadda take sayarwa a baya, kan Naira 1, 250 zuwa Naira 1, 175, na kowacce Lita ɗaya.
A cewar Matatar ta Ɗangote, ta rage farashin Man ne, duba da cewa, yaƙin da ake yi, a Gabas ta Tsakya, ya ɗanyi sauƙi da kuma samun rauguwar farashin Ɗanyen Mai, a kasuwar duniya.
Bugu da ƙari, Matatar ta ce, ta rage ne, farashin yin lodin Man zuwa Naira 100,575 na kowanne metric tan, wanda ta mayar da shi, daga Naira 1,595,790 zuwa Naira 1,495,215.
Wannan ragin farashin na Matatar ta Ɗangote dai, ana ganin zai ƙara haifar da wata sabuwar gasa a ɗaukacin kasuwannin da ake sayar da Man, a faɗin ƙasar.
Masu fashin baƙi a fannin, sun yi hasashen cewa, ragin ana kuma sa ran, zai faɗa kan Man Dizil nan da makwanni, masu zuwa, musamman idan aka ƙara samun raguwar farashinsa, a kasuwar duniya, tare da ƙara daidaita, farashin Man Fetur.
Wannan sabon ragin farashin wanda ya fara aiki a ranar 16 ga watan Yunin 2026, bisa wani bincke da Jaridar LEADERSHIP ta gudanar, ya nuna cewa, wasu daga cikin manyan dillan Man, sun rage farashin Man da suke sayarwa.
Bisa bincken da wakilinmu ya gudanar a wasu gidajen sayar da Man da ke a jihohin Legas Ogun, ya gano wani giɓi kan farashin Man Fetur da Man Dizil da gidajen, ke sayarwa.
Misali, a gidan Mani na MRS Filling, da ke a yankin Mowe na jihar Ogun yabi sahun na Matatar Ɗangote, na rage farashin Man, inda yake sayarwa, kan Naira 1, 265, na kowacce Lita ɗaya.
Kazalika, a gidan Mai na NNPC da ke a yankin Ibafo, farashin Mai na PMS ana sayar da shi, kan Naira 1, 290 na kowacce Lita ɗaya.
Wasu daga cikin masu ababen hawa, sun koka kan yadda suke shan waya wajen sayen Man, inda wani Direba mai suna Mista Femi Adepoju, duk lokacin da aka sayar da rage farashin Man a cikin gaggawa, su kan fara bayyana murnarsu, amma kuma daga baya, sai a ƙara mana farashin na Man.
