Super Eagles Ta Tafi Poland Domin Wasan Sada Zumunta

Tawagar ƙwallon ƙafa za ta tafi birnin Warsaw domin buga wasan sada zumunta da takwararta ta Poland a filin wasa na PGE Narodowy.

Kocin ƙungiyar, Eric Chelle, tare da ƴan wasansa za su yi wannan tafiya ne bayan lashe gasar Unity Cup sakamakon doke Jamaica da ci 2-0 a wasan ƙarshe.

An gayyaci Femi Azeez domin maye gurbin Samuel Chukwueze, yayin da Victor Osimhen da Ademola Lookman suka janye daga wasan. Haka kuma Alhassan Yusuf da Samson Tijani ba za su buga wasan ba saboda matsalolin biza.

Bayan wasan da Poland, Super Eagles za ta kara da Portugal a wani wasan sada zumunta ranar 10 ga Yuni, inda tawagar ke fatan ci gaba da kyakkyawan sakamakon da take samu bayan nasarorin da ta samu a wasanninta na baya-bayan nan.

Rabilu Sanusi Bena

+ postsBio

• Rabilu Sanusi Bena

  https://hausa.leadership.ng/author/rabilu-sanusi-bena/

  Nijeriya Ta Kai Wasan Ƙarshe Na Kofin Duniya Na Mata U-17
• Rabilu Sanusi Bena

  https://hausa.leadership.ng/author/rabilu-sanusi-bena/

  Yamal Ya Kwace Tarihin Mbappe A Gasar Zakarun Turai
• Rabilu Sanusi Bena

  https://hausa.leadership.ng/author/rabilu-sanusi-bena/

  Shin Wannan Ce Shekarar Da “Kano Pillars” Za Su Sake Lashe Kofin NPFL?
• Rabilu Sanusi Bena

  https://hausa.leadership.ng/author/rabilu-sanusi-bena/

  Brighton Ta Kwashi Maki Uku A Hannun Manchester City