Wani jami’in sojan saman Nijeriya Iya Kwamanda John Ijudigal, ya kubutar da wasu mutum biyu da ake zargin an yi garkuwa da su a unguwar Wuse Zone 5 a Babban Birnin Tarayya Abuja.
An ce jami’in yana kan hanyarsa ta zuwa gida bayan ya tashi daga aiki da misalin karfe 7:.28 na dare lokacin da yaga wata mota tana jujjuyawa cikin sauri tare da mutane a ciki suna kiran taimako.
- Babban Jami’in JKS Ya Bukaci A Himmantu Wajen Ciyar Da Kokarin Dunkulewar Kasar Gaba
- Zaben Fitar Da Gwani Na APC A Edo Ya Bar Baya Da Kura
Ijudigal, a cewar wata sanarwar da Darektan Hulda da Jama’a da YaDa Labarai na Rundunar Sojin Saman Nijeriya Air Bice Marshal, Edward Gabkwet, ya fitar a ranar, ya shiga wata mota domin bai wa wadanda dauke din kariya daga hannun ‘yan bindigar inda ya yi amfani da motarsa wajen tare motarsu domin kada su tsere.
Ya bayyana cewa, a cikin firgici, direban ya yi karo da motar hukuma ta Idjudigal, inda ya yi masa barna sosai.
Gabkwet ya kara da cewa, wannan hadarin ya sanya motar One-Chance din ta kutsa kai cikin wani lambu da ke kusa da wajen, kuma nan take Ijudigal ya fice daga motarsa ya bi daya daga cikin mutanen da ke cikin motar ‘One-chance’, din wanda ya gudu zuwa wani daji da ke kusa.
Sanarwar ta kara da cewa, “Wani jami’in da ke aiki ya yi nasarar dakile wani yunkurin fashi da makami da aka fi sani da ‘One-chance’ a Abuja. Ya ce Lamarin ya faru ne a ranar 14 ga Fabrairu, 2024, a titin Accra, Wuse Zone 5, wanda ya kai ga cafke uku daga cikin wadanda ake zargin, daga bisani kuma aka ceto biyu daga cikin wadanda aka yi garkuwa da su.
“Lamarin ya faru ne da misalin karfe 7:28 na dare. A yayin da Iya Kwamado Ijudigal ke tafiya gida a cikin motar ma’aikatansa bayan ya gama aiki, sai ga shi ya ci karo da wani yanayi mai cike da damuwa: Wata motar haya mai fentin Abuja (Mazda 323, rajistar BWR 232 DB) tana jujjuyawa cikin sauri, fasinjojin da ke ciki suna kururuwar neman taimako. Inda ya yi kakarin dakile lamarin kuma ya yi nasarar yin hakan.
