Rundunar ‘yansanda a Jihar Kano ta tabbatar da ceto wani yaro dan shekara hudu tare da cafke wasu mutum uku da ake zargin masu garkuwa da mutane ne a jihar.
Jami’in hulda da jama’a na rundunar ‘yansandan, SP Abdullahi Haruna, ya tabbatar da kamen a wata sanarwa da ya fitar.
- Sin Ta Kulla Yarjejeniyar Tsarin Kafa Huldar Abota Ta Raya Tattalin Arziki Cikin Hadin Gwiwa Tsakaninta Da Kasashen Afirka 22.
- Hukumar Zaɓe Ta Jihar Kano Ta Rage Farashin Takardar Tsayawa t Takara
A cewar Haruna, rundunar ‘yansandan da ke sa ido ta kama wadanda ake zargin ne a ranar Asabar a Karamar Hukumar Gwarzo da ke jihar.
“Rundunar ‘yansandan Jihar Kano, karkashin jagorancin CSP Kabiru Isah Kangiwa, ta samu gagarumar nasarar ceto wani yaro mai shekaru hudu da aka yi garkuwa da shi, Muhammad Nasir Jamilu.
“An sace wanda aka yi garkuwa da shi ne daga Unguwar Sharada Kano, aka garzaya da shi Garin Gwarzo, Karamar Hukumar Gwarzo, Jihar Kano, inda aka yi garkuwa da shi kuma an nemi kudin fansa Naira miliyan 10,” in ji shi.
Haruna ya ce da samun rahoton kwamishinan ‘yan sanda, Salman Dogo Garba, ya bayar da umarnin a ceto wanda aka kashe tare da bin diddigin wadanda suka aikata laifin.
Ya bayyana cewa bayan tattaunawa an biya kudi Naira 300,000 kafin a biya kudin.
“Jami’an tsaro sun kama mutum uku: Hisbullahi Salisu mai shekaru 30, Hassan Ali Rabiu mai shekaru 28, dukkansu daga Unguwar Yakasai Kano da Hassan Aliyu mai shekaru 22 a Unguwar Hotoro Kano,” in ji shi.
Haruna ya ce babban wanda ake zargin, Hisbullahi Salisu, ya amsa laifin hada baki da wasu mutane biyun da aka kama, inda suka yi garkuwa da shi, suka kai shi maboyarsu dake cikin Garin Gwarzo dake Karamar Hukumar Gwarzo a Jihar Kano.
“An ceto wanda abin ya shafa ba tare da jin rauni ba, aka garzaya da shi Asibitin Kwararru na Murtala Muhammed da ke Kano, daga baya kuma aka mika shi ga iyayensa.”
Sanarwar ta kara da cewa, “Rundunar ‘yansandan Jihar Kano ta yaba wa tawagar da suka sa ido kan yadda suka nuna kwarewa da kuma daukar matakin gaggawa, wanda ya kai ga nasarar ceto wanda yaron ba tare da an cutar da shi ba.
