Gwamnan Jihar Kwara, AbdulRahman AbdulRazaq ya sallami dukkan masu ba shi shawara, ciki har da mataimakin shugaban ma’aikata da babban sakatarensa na musamman.
Gwamnan ya ce wannan wani sabon mataki ne na yi wa aikin gwamnati garambawul domin sake samar da hanyoyi da dabarun bunƙasa ci gaban al’umma kamar yadda sakataren yaɗa labarun gwamnan Mashood Agboola ya sanya wa hannu a ranar litin 29 ga watan Yuni 2026.
Sanarwar ta ce: “Gwamnan Jihar Kwara, AbdulRahman AbdulRazaq, ya amince da yi wa ƙunshin ƴan majalisar ta sa garambawul ciki harda da dukkan masu ba da shawara na musamman, masu ba da shawara, manyan mataimaka na musamman.
“Mai girma Gwamna ya nuna godiyarsa ga dukkan waɗanda aka naɗa saboda hidimar da suka yi wa jihar. Yana yi musu fatan alheri a ayyukansu na gaba.”Gwamnan ya umarci duk waɗanda abin ya shafa da su miƙa dukkan kadarorin gwamnati da ke hannunsu ga Ofishin Sakataren Gwamnatin Jiha.”
