Wani abin al’ajabi da ya faru ga wasu ma’aurata a Amurka, sun kwanta lafiya lau daga baya suka wayi gari suka ga bakon kare nade a kan gadonsu yana bacci tare da su.
A bayanin da suka yi a shafinsu na sada zumunta, Jimmy da Julie Johnson daga Tennesee sun sanar da cewa, bakon da suka yi gamo da shi ba zato ba tsammani, ya shiga gidansu ne ta wata kofar baya da aka bari a bude.
Karen ya kwanta da ma’auratn ne cikin dare.
“Na yi birgima ina juyi a gefen gadona na ga kare na ce a’a, a’a, wannan ba karenmu bane,” in ji shi. Ms Johnson ta ce ta tsinci karen ne kusa da ita a sa’ilin da ta farka daga bacci, kamar yadda jaridar Independent ta ruwaito. Ms Jihnson ta ce bayan ta gano Karen a gadonta, ta shiga shafukan sada zumunta inda ta wallafa wani bayani game da Karen tana maia cewa ta tsinci wani kare da bata.
Sai wani ya gane Karen, Nala ne. “Mun samu sakon Faccebook yana cewa, kai wannan Karen nawa ne, zan zo nan da ‘yan mintuna, menene adireshinku?” kamar yadda aka tambaya a cikin talifinta.
Bayan faruwar lamarin ne, Ms Johnson ta ce maigidanta ya aika da hutunan Karen a matsayin hujja. Ma’auratan sun gano cewa Karen ya yi tafiyar mil biyu kafin daga bisa su ya yanke shawarar shiga gidansu a wannan dare.
A gefe guda kuma, mamallakin Nala ta shiga Facebook tana rarraba bayanai game da batan Nala, tana mai cewa, Nala ta bi titi ne a guje da nufin zuwa gidan makociyarta, ko ta yaya har ta samu shiga gidansu cikin dare ta kwanta gado tare da su?” kamar yadda Criss Hawins ya rubuta.
Guduwar Karen ya kara hada sabon zimunci, kamar yadda ita ma Julie Johnson ta wallafa a shafinta na Facebook, cewa Nala ta zo domin yin wasan kwaikwayo tare da karnuka uku na ma’auratan ne inda daga bisani ta kwana tare da iyayen gidan karnukan.
Karshe dai zuwan Nala ya kulla zumunci tsakanin masu gidan da iyayen gidansa.
