Manoma 67 ‘ya’yan kungiyar da ake kira da bankwana da talauci ta kasa reshen Jihar Osun, wato AMFPAN, sun amfana da horon Cibiyar Bincken Tsirrai ta Kasa, wato NIHORT.
Ta horas da manoman ne, a kan yadda za su rubanya noma da kuma lura da sabon nau’in orchard.
Cibiyar ce, ta samar da wannna sabon nau’in da aka yi wa rijista, aka kuma fitar da shi.
Kazalika, nau’in ya kasance yana samar da amfani mai yawa tare da jurewa cututtukan da ka iya harbinsa.
Cibiyar ta samar da shi ne, yadda za a iya shuka shi a kowace shiyya ta kasar, sannan kuma a samu amfaninsa mai yawa.
An dai horas da mahalarta taron ne, a yankin Ile-Ife na jihar ta Osun, inda wadanda suka amfana, suka kasance maza da mata da kuma matasa daga yankin na Ile-Ife.
Tawagar kwararru a cibiyar da kuma masu ilimin kimiyyar aikin noma ne suka taimaka wajen bayar da horon.
Kazalika, horon ya kuma hada da yadda ake kare amfanin daga kamuwa da harbin kwari da dabarun adanawa, bayan an girbe shi.
A jawabinsa a wajen bayar da horon, babban shugaban cibiyar, Farfesa Muhammad Attanda ya sanar da cewa, horon zai kara taimakawa, kan kokarin da gwamnatin tarayya ke ci gaba da yi, na bunkasa fannin aikin noma.
Shugaban, wanda shugabar sashen horas da malaman aikin gona a cibiyar, Dakta Iyabo Adeoye, ta wakilce shi a wajen bayar da horon ya kara da cewa; hakan zai kuma kara taimakawa, wajen kara habaka noman Ayaba da Filanten da kara habaka samar da wadataccen abinci a kasar tare da kara samar da kudaden shiga ga masu iyalai a jihar.
Kazalika, ya jaddada cewa; Filanten na taimakawa, wajen samar da wadaccen abinci da samar da kudaden shiga ga masu nomansa, musamman kananan manoma.
Su kuwa a nasu jawaban daban-daban a wajen horon, shugaban kungiyar, Cif Saac Omidiora da kuma Sakarensa Mista Abdul Haleem Sulyman, sun yaba wa gwamnatin tarayya kan wannan shiri, wanda suka ce; hakan zai kara taimakawa, wajen bunkasa noman Ayaba da Filanten, musamman a jihar ta Osun.
Sun kuma gode wa cibiyar, kan samar da wannan sabon nau’in, wanda suka ce; za su kara taimakawa wajen kara samar da wadataccen abinci a
