Matar Da Ta Haifi Ƴan Biyar A Kano Ta Rasu Bayan Haihuwa

Wata mata a Kano, Hafsatu Yusuf, ta rasu bayan haihuwar ‘yan biyar a asibiti. Ta haifi jarirai uku maza da biyu mata a Asibitin Murtala Muhammad.

Rahotanni sun ce ta fuskanci zubar jini mai tsanani bayan haihuwar. Duk da ƙoƙarin likitoci na ceto ta, ba a samu nasara ba.

• Kotu Ta Ƙi Amincewa Da Buƙatar Dakatar Da Shirin Tsige Mataimakin Gwamnan Kano
• Gwamnan Kano Ya Sauke Shehu Wada Sagagi Daga Muƙamin Kwamishina

An ce an yi jana’izarta bisa tsarin Musulunci a gidanta da ke Hotoro. Hakan ya jefa iyali da al’umma cikin jimami.

An tabbatar da cewa jariran na cikin ƙoshin lafiya kuma suna samun kulawa a asibiti. Haka kuma an buƙaci jama’a su tallafa musu da kayan masarufi da madara.

Tun da farko gwamnatin Kano ta ɗauki nauyin kula da lafiyar mahaifiyar da jariran. Mijinta, Malam Salisu Nufi’u, ya gode da wannan taimako.

Abubakar Sulaiman

Website |  + postsBio

• Abubakar Sulaiman

  Matatar Dangote Ta Ƙara Yawan Man Da Take Tacewa Zuwa Ganga 700,000
• Abubakar Sulaiman

  Ƴansanda Sun Daƙile Harin Ƴan Bindiga, Sun Kwato Shanu 25 A Sakkwato
• Abubakar Sulaiman

  Rikicin Manoma Da Makiyaya Ya Kashe Mutane 7, Ya Jikkata 6 A Bauchi
• Abubakar Sulaiman

  Ƴan Bindiga Sun Kashe Mutane 2, Sun Yi Garkuwa Da 30 A Kogi