Matatar Man Ɗangote da sashensa na samar da sanadarai wato Petrochemicals FZE, sun samu nasarar kamala zuba jarin, da aƙalla ya kai na dala biliyan 2.5.Sun samu wannan nasarar ce, biyo bayan kamala bayar da damar ta zuba jarin.
Hada-hadar wacce aka wallafa ta a kafafen yaɗa labarai da dama kuma ta kasance babbar a nahiyar Afirka, ta zama wata babbar abar tarihi, ga Matatar ta ƊangoteKazalika, ta kuma zama tamkar ƙarin ƙwarin ƙwarin guiwa, a a ɓangaren zuba jari, na dogon zango, ga Matatar da kuma iya gudanar da ayyukanta.
A cikin sanarwar da Matatar ta fitar ta ce, ribar da aka samu a hada-hadar, za a zuba ta ƙajen ƙara faɗaɗa Matatar da kuma a fannin, sarrafa sanadarai.
Bugu da ƙari, za kuma a yi amfani da ribar, wajen ƙara ƙarfafa bayar da dama da ƙara haɓaka fannin kuɗaɗe, na Matatar. “Bayar da wannan damar, ta ƙara janyo sauran masu zuba jari daga ƙasa da ƙasa da sauran abokan haɗaka na ƙasa da ƙasa da kuma ɗai-ɗailun ƴan kasuwa,“ in ji sanawar.
Sanawar ta ƙara da cewa, ta ci gaba da cewa, wasu daga cikinsu, sun haɗa da, kamfanin AFC na ƙasar Faransa da kamfanin Infra Buildco, na ƙasar Indiya.
Da ya ke yin bayani kan wannan nasarar shugaban rukunonin kamfanin na Ɗangote, Aliko Ɗangote ya sanar da cewa, sanarar babbbar sa’a ce, ga kamfanin.“Wannan hada-hadar wani babban mataki ne na ƙara janyo masu zuba jari, tare da kuma ƙara haɓaka shigar kuɗaɗe, na ciki da waje, ga kamfanin, “ a cewar Aliko.
Ya ƙara da cewa, nasarar ta kuma nuna a zahiri, na irin zagewar mu, domin a ƙara haɓaka Matatar da ƙara sarrafa sanadarai, a Afirka. A cewarsa, hakan zai kuma rage yawan dogaro da shigo da Man daga ƙetare, tare da ƙara ƙarfafa, fannin samar da makamashi.
Shi kuwa a na sa jawabin Babban Darakta a Matatar Daɓid Bird, ya sanar da cewa, nuna zaƙuwar masu zuba jarin, hakan ya nuna irin ƙoƙarin da Matatar ke ci gaba da yi, a zahirance da kuma ƙara bunƙasa ta. “Buƙatar da muke ci gaba da samu, ta ƙara tabbatar da cewa, muna gudanar da ingantattun ayyuka, wanda hakan, ke ƙarawa masu zuba jarin, ƙwarin guiwa, musamman a ɓangaren gudanar da shugabanci na gari, da mahukuntan Matatar, ke ci gaba da yi, Inji David.
Matatar ta kuma bayyana jin daɗinta, kan gudunmawar da ƙwararrun masu bata shawara, ke ci gaba da yi da kuma sauran abokan haɗakarta, wanda hakan, ya ƙara taimaka wa, aka samu wannan nasarar.
