Sojoji Sun Kashe ‘Yan Boko Haram 3 Da Kwato Makamai A Wani Farmaki Da Suka Kai Musu

Dakarun Operation Hadin Kai a yankin Arewa maso Gabas, sun kashe ‘yan ta’addar Boko Haram uku a wani harin kwantan bauna da suka kai da sanyin safiyar Talata.

An rawaito cewa, sojojin tare da hadin guiwar rundunar hadin guiwa ta Civilian JTF, sun kai harin kwantan bauna a kan ‘yan ta’addan a yankin karamar hukumar Gubio ta jihar Borno.

• ‘Yan Bindiga Sun Sace Matar Shugaban NULGE Reshen Zamfara Mai Dauke Da Juna Biyu

A cewar wani rahoton leken asiri da Zagazola Makama, wani masani kan yaki da tayar da kayar baya kuma mai sharhi kan harkokin tsaro a yankin tafkin Chadi, ya bayyana wa wakilinmu cewa, an samu nasarar yi wa wasu ‘yan ta’addan Boko Haram kwanton bauna, inda suka addabi makiyaya tare da sace dabbobinsu a kuryar tsaunin Mandara.

“Sojojin sun kashe uku daga cikin ‘yan ta’addar na Boko Haram, sannan sun kwato bindigogi kirar AK 47 guda biyu da baka daya da AK 47 guda biyu, Babur daya da sauran kayayyaki,” inji majiyar.

Muhammad

+ postsBio

• Muhammad

  Tinubu Ya Cancanci A Sake Zaɓensa A 2027 — Pakistan
• Muhammad

  Amnesty Ta Yi Allah Wadai Da Harin Jihar Taraba Da Ya Yi Sanadiyyar Mutuwar Mutum 40
• Muhammad

  ADC Ta Yi Wa APC Ba’a Kan Zargin Hayar Taron Jama’a Da Rashin Cika Kujeru A Taron Kaduna
• Muhammad

  ‘Kana Cikin Rudu’ — Atiku Ya Mayar Wa Tinubu Martani Kan Zargin Yunwa Da Talauci