A bana ne aka fara aiwatar da shirin raya kasar Sin na shekaru biyar-biyar karo na 15. Ingiza bunkasar yankin tsakiyar kasar shi ne wani muhimmin aiki na shirin.
Kasancewarsa a wuri mai dacewa da tsarin sufuri mai inganci, da karfin tushen masana’antu, wanda kuma yake fitar da karin manufofi masu haifar da gajiya, cikakken fifikon yankin tsakiyar kasar Sin na kara fadada, ta yadda ya zamo sabon dandali mai matukar janyo jarin waje a kasar Sin.
A baya bayan nan, an kaddamar da ayyukan majalisar bunkasa cinikayyar kasa da kasa ta Sin mai baiwa kamfanonin waje damar ziyara a lardin Jiangxi.
Kuma babban wakilin kungiyar ‘yan kasuwar Kanada da Sin David Perez-Des Rosiers, ya bayyana a birnin Beijing bayan ziyarar cewa Jiangxi na da alaka da kogin Yang zee, wanda muhimmin ziri ne ta fuskar sufurin hajoji da hidimomin na Sin. Kazalika, muhimmin dalili ne da ‘yan kasuwar Kanada ke la’akari da shi wajen fahimtar dabarun safarar hajoji zuwa ciki da wajen kasar Sin, da ma irin huldar da za a iya kullawa a wurin.
Ya ce “A gare mu, mahangar zuba jari a Sin, ba ta takaita ga Sin kadai ba, domin kuwa ta shafi alakar kasar da ma sauran yankunan kasa da kasa.” (Saminu Alhassan)
Discussion about this post